supernils

Godt nyttår!

2012-01-03T23:19:00.005+01:00

Så var det visst plutseleg 2012, tida går berre raskare og raskare...

2011 var eit aktivt og variert år for min del. Mykje jobb (Sunnmørsposten, Øy-Blikk, ANB, Giske kommune og diverse frilansing), i alle fall. Så var eg på roadtrip til Skjærgårds, Lyngdal, Danmark og Sverige og var ei veke på UL.

Spesielt hausten var ganske heftig med flytting til Valderøya, blindtarmoperasjon og ei heilt ny oppleving som musikkstudent i Volda. Eg hoppa av studentlivet i november, men rakk i alle fall å verte kjend med mange hyggelige folk før eg slutta :)

Og kva skjer så i 2012? Eg har ikkje nokon fast jobb og satsar i første omgang på ei karriere som frilansar/lausarbeidar. Så skal eg kanskje stå pittelitt på ski, spele mest muleg fotball i Godøyhallen, få 600 poeng i Wordfeud, spele inn CD med Godøy Ungdomskor og jobbe ei veke i Lyngdal i sommar. Og muligens teste ut den nye boka eg fekk i julegåve...

GØTT ÅR!

God jul, lizm

2011-12-17T02:46:00.003+01:00

På tide med ein julevideo igjen. Eg kom over denne presten, med ein ganske heftig versjon av juleevangeliet i Lukas. Kanskje noko å vurdere rundt middagsbordet julaftan?

Eg har fått grastak!

2011-11-04T01:00:00.014+01:00

Oisann...plutseleg var det november! Kanskje på tide å oppdatere litt blogg igjen, i tilfelle nokon skulle stikke innom for å sjå kva eg gjer på?

Sidan sist har eg mellom anna flytta til Valderøya. Annekset. Kanskje det koslegaste huset (eller hytta om du vil) i Giske kommune?

Grastak, tømmerveggar, flott utsikt, kort veg til sjøen og akkurat passe stor plass til meg og tinga mine :)

Oppe på hemsen har eg endeleg fått rigga opp studioutstyret mitt igjen. Eller i alle fall litt av det. Den søte Axiom-synthen, SLX-monitorane, Yamaha-miksaren, macen og litt for mykje kablar.

Perfekt rom for frilansing, leksearbeid, eksperimentering, øving, musikklytting og Facebook!

Nede på stua har eg piano, tv og sånn cirka 27 fiskar. Eg skal ha litt fleire kardinaltetra etter kvart, må berre sjå om dei 13 eg har no klarer å overleve først.

Elles så har eg fjerna blindtarmen, hatt praksis i ei sjuandeklasse, spelt på Pit-Stop og laga verdas beste ostesmørbrød. Dett var dett!

Naboen

2011-09-05T23:26:00.003+02:00

Arne Tunheim - no også som YouTube-kjendis!

Back to school

2011-08-13T00:51:00.006+02:00

Plutseleg er sommaren over, er det muleg? Ein stort sett flott 2011-sommar, med Skjærgårds, Lyngdal, Tivoli, Liseberg og UL. Dessvere altfor lite grilling og endå mindre trimming, så det må bli to av måla for sommaren 2012.

No er det haust. Hausten 2011. Hausten då Nils-Ove Støbakk skal tilbake på skulebenken, etter seks år som arbeidstakar på heiltid. Tysdag 16. august skal eg for første gong til Volda, dit eg skal pendle to-tre dagar i veka framover. Musikkstudent på deltid, kan det gå bra? Stå opp tidleg og pendle. Galskap. Men forhåpentlegvis kjekk og lærerik galskap.

Og så skal eg flytte. Frå Godøya. Til Valderøya. Frå Leif og Solveig sin kjellar til Gunnar og Solveig sitt anneks. Tømmerveggar, grastak og god stemning.

Meir informasjon kjem i første halvdel av september!

Fantastisk frispark

2011-05-20T01:09:00.002+02:00

God påske!

2011-04-24T13:58:00.002+02:00

Genial julekonsert

2010-12-27T03:36:00.003+01:00

Tidlegare har eg vore skeptisk til touchtelefonar, men etter at eg kjøpte X10 Mini tidlegare i haust har eg fått meir og meir sansen for touch. Og sjølv om iPhone og iPad er altfor dyre til at eg vil kjøpe sjølv, hadde eg ikkje sagt nei takk om eg hadde fått ein (eller to).

Telefonen min er dessverre litt for treig til at eg kan bruke den live, sjølv om eg har installert fleire artige musikkprogram. Men har du eit Apple-produkt eller andre kjappare telefonar/lesebrett, BØR du hive innpå artige instrument og følgje eksempelet til karane i North Point Community Church. Eller berre sjå videoen og nyte litt god underhaldning :)

Juleevangeliet 2.0

2010-12-17T22:08:00.000+01:00

Journalistikk for dummies

2010-11-03T01:09:00.002+01:00

Pit-Stop 2010

2010-10-23T04:46:00.002+02:00

Då er Pit-Stop 2010 i gang på Emblem bedehus. Og filmteamet er så klart på nett med taleopptak, allereie få timar etter at arrangementet starta! I løpet av dei tre første åra (2007-2009) fekk vi ut til sammen éin film, så det er definitivt snakk om ein oppadgåande trend.

Gøy å leike seg med litt fleirkameraproduksjon innimellom, forhåpentlegvis skal vi få lagt ut fleire filmar frå Pit-Stop etter kvart. Men inntil vidare kan du i alle fall få med deg Torgeir Nygård sin fredags-tale!

Tremåls-Nils

2010-10-02T00:26:00.004+02:00

Då er sesongoppsummeringa for sjuarlaget til Godøy ferdig. For min del ser det veldig bra ut i år, med heile TRE mål! Alle tre kom sjølvsagt på Godøy gras, først eitt mot Brattvåg, så to mot Skodje. Slikt gjer godt for sjølvtilliten til ein avdanka og stilleståande spiss/back.

Heile oppsummeringa, med fullstendig toppscorarliste og mykje anna snadder, finn du på denne sida på godoyil.no!

Men no er fotballsesongen 2010 ferdig, etter to år som spelande oppmann kjenner eg at det er på tide å legge opp igjen. Neste år blir eg 30, då får eg nøye meg med litt trening innimellom. Organisert fotball blir fort litt for mykje stress for ein som allereie har altfor mange oppgåver, både på fritida og i jobbsamanheng...

Eg har forresten eit vikariat i nyhetsredaksjonen til Sunnmørsposten, fram til jul, om nokon skulle lure på kva eg jobbar med for tida. Så får vi sjå kva som skjer etter nyttår. Kanskje ein snartur til Ukraina? Tannlegebesøk i Polen? Ski-VM i Oslo? Eller noko heilt anna? Spennande å sjå :)

Fantastisk keepertabbe

2010-09-10T19:53:00.004+02:00

Dyrisk god caddie

2010-09-08T02:00:00.006+02:00

Summer goes by...

2010-08-12T23:14:00.005+02:00

Og så var sommaren over for i år. Eller i alle fall sommarferien. Så får vi sjå kva slags jobb eg endar opp med denne hausten...

Sommaren 2010 starta med tur til USA for min del. Etter å ha vore i Los Angeles og Las Vegas, gjekk turen til Arizona. Der sa Eirik og Coral både "Ja" og "I do", dermed vart dei lykkeleg gifte. Ikkje verst.

Etter USA-turen var eg heime i ei veke, før eg stakk til Lyngdal attmed Godøy Ungdomskor. Der var vi campkor på Ungdomscampen og stilte også med lovsangsteam på møta. Ein herleg tur med ein fantastisk gjeng, Lyngdal kan absolutt anbefalast!

Så var eg heime og tok livet med ro i vel tre veker, før eg sette meg på flyet og reiste til UL i Kongeparken. Å vere møteleiar med 1500 folk i salen på føremiddagen var ei ny oppleving for ein morgontrøtt slask, men UL var absolutt positivt på alle måtar! Veldig gøy å sjå alt som foregår bak scena og alt arbeidet som ligg bak dette kjempearrangementet. Gjekk du glipp av noko, kan du sjå alle talane på iTro.

No ser eg fram til ein innhaldsrik og spennande haust, med fotball, kor, ungdomsarbeid, 60-årsfeiring, Pit-Stop og mykje, mykje meir!

Sjuk berg- og dalbane

2010-06-17T09:34:00.001+02:00

Tysdag kveld testa eg og Jonas ut "New York New York Roller Coaster", berg- og dalbana til hotellet New York New York i Las Vegas. Vi fekk dessverre ikkje ha med oss kamera på turen, men det var omtrent like sjukt som du ser på videoen over. Berre at med oss var det kveld, altså mørk himmel over oss og milliardar av blinkande lyspærer under oss. Og bilar i gatene. Og to hylande sunnmøringar som absolutt ikkje angra på "investeringa" til $14.

Som Jorunn Stiansen ville sagt det: SINNSSJUKT BRA!

Begravelsesstemning

2010-06-14T08:56:00.002+02:00

Søndag kveld skulle eg og Jonas eigentleg til ei gospelkyrkje med ein pastor som heiter Michael E. Jackson. Sjølv om vi faktisk klarte å finne fram til rett adresse, var det ingenting som skjedde der - så då stakk vi heller innom ei anna kyrkje i same gata. Vi trudde at det var ein heilt vanleg søndagskveld - men så viste det seg at vi faktisk rota oss borti ei minnegudsteneste!

Mora til pastoren døydde for ikkje så lenge sidan og vart gravlagd i North Carolina. Men sidan ho var aktiv i Word of Life Christian Center, arrangerte dei ei minnegudsteneste til ære for "Miss Lannie". Og her var det ikkje snakk om sørgjesong! Denne søndagskvelden var ein festkveld til minne om den nesten 93-årige og tydelegvis veldig frimodige dama, som vi fekk møte så vidt gjennom eit vitnesbyrd på video. Lannie vart kristen som 14-åring og hadde visst gjort inntrykk på alle ho traff på gjennom sitt lange og innhaldsrike liv.

Eg og Jonas var tydeligvis på feil plass til rett tid, for dette vart litt av ein kveld. Humor, vitnesbyrd, ei solid preike og rungande salmesong vart avrunda med invitasjon til forbønn og mildt sagt god stemning. Du kan jo sjå sjølv:

Skating og Skjong

2010-06-13T23:45:00.003+02:00

Då har vi vore i USA i over ei veke. Kanskje på tide å oppdatere bloggen litt?

Dårleg med fotografering for min del hittil, har berre blitt ein dag med kamera på Venice Boardwalk og nokre potensielle reisereportasjar her og der. Skal slenge ut meir på sikt, men har i alle fall eit par videosnuttar filma med den fantastiske mobiltelefonen min!

På Venice Skatepark kom eg over ein pjokk på seks-sju år som var minst like god på brettet som alle andre der - sjølv om dei fleste andre var rundt 20 år og dobbelt så høge som Asher Bradshaw, som guten visstnok heiter. Her kan du sjå ein YouTube-video med stortalentet. Den neste Tony Hawk? Min video er ikkje akkurat HD-kvalitet, men beviser i alle fall at eg var der og såg Asher i aksjon...

Den andre videoen min er eit journalistisk mesterverk. No er vi i Las Vegas, laurdag kveld tok vi leigebilen og råna ein tur til The Strip, hovudgata i Vegas. Der fekk eg eit eksklusivt intervju med sjølvaste Stig Kjetil Flem og Jonas Roald Nordstrand!

For fleire bilde og hyppigare oppdatering frå USA-turen, sjå Kristine sin blogg.

USA, here I come!

2010-05-27T21:16:00.007+02:00

Då er det snart tid for avreise! 4.-24. juni fyk eg faktisk til USA, for å vimse litt omkring på vestkysten og ørkenstatane.

Via Oslo og München flyg vi til Los Angeles, der vi (Nils-Ove, Stig, Jeanette, Martin, Kristine) skal leige eit hus vel ei vekes tid. Detaljane får vi ta etter kvart, men for min del er i alle fall ein tur innom West Angeles Church of God in Christ obligatorisk. Åtte år sidan sist, men gode minne frå søsne gospelbestemødre på første rad forsvinn aldri. Kanskje klarer eg også å få tak i nokre sunnmørske Hollywood-fruer som eg kan intervjue?

Etter kvart kjem Jonas snikande frå Brasil, så leiger heile gjengen ein feit bil og rånar inn i ørkenen. Med litt flaks skal vi finne fram til Las Vegas, byen med billige hotell og pengeslukande casino. Forhåpentlegvis er det meir å finne på der enn gambling, eting og å gifte seg.

Frå Vegas går bilturen sørover mot Phoenix i Arizona. På vegen stikk vi kanskje innom Hoover Dam og Grand Canyon, men det er i alle fall i området rundt Phoenix at vi skal ende opp til slutt. Her skal nemleg Eirik og Coral seie ja til kvarandre og eg skal ta bilde av at dei kliner.

Vermeldingane er forresten ikkje spesielt positive. Heldigvis er det ganske kjølig i LA, med 22-28 grader i vente framover. Men i Las Vegas varierer dei daglege makstemperaturane frå 27 til 40 for tida, og i Phoenix skal det visst vere 34-40 grader den komande veka...

Wish me good luck!

Groundhopping på Sunnmøre

2010-05-10T16:13:00.004+02:00

Livet som frilansjournalist er variabelt. Nokre dagar er det mykje å gjere, andre dagar er det lite å gjere. Nokre dagar burde eg ha gjort mykje, men får gjort lite. Men det er i alle fall mykje fotball på timeplanen for tida:

Torsdag 6. mai: Vigra-Ørsta på Rota gras (4. divisjon, Øy-Blikk)

Fredag 7. mai: Godøy-Herd på Godøy gras (3. divisjon, Øy-Blikk og Sunnmørsposten)

Søndag 9. mai: AaFK-Odd på Color Line Stadion (eliteserien, ANB)

Tysdag 11. mai: Norborg-Godøy på Uggedal kunstgras (sjuarkamp, må spele litt sjølv også!)

Torsdag 13. mai: Volda-AaFK på Volda kunstgras (cupkamp, ANB)

Fredag 14. mai: Valder-Godøy på Valdervoll kunstgras (3. divisjon, Øy-Blikk)

Søndag 16. mai: Giske-Stranda 2 på Giskebana gras (5. divisjon, Øy-Blikk)

Sju sunnmørske baner på elleve dagar - nokon betre? Eg kunne sett Giske-HaNo onsdag 12. mai også, men sidan eg skal på Giske 16. mai, vurderer eg å ta fotballfri på onsdagskvelden. Eller var det då Fulham skulle spele finale i Europa League?

Med fotballtrening begge laurdagane vert det då berre fotballfri i dag - måndag 10. mai 2010. Og kva gjer eg no? Skriv om fotball. Men eg er ikkje fotballidiot, berre idiot :)

Tottenham til Champions League!

2010-05-06T00:01:00.000+02:00

Den store dugnadsdagen

2010-04-27T17:50:00.010+02:00

Laurdag 24. april var visst den store dugnadsdagen på Godøya våren 2010. Sjølv starta eg dagen med å trakke/planere idiotiske hjulspor på grasbana til Godøy IL.

Forhåpentlegvis skal bana vere sånn passeleg flat til dei første heimekampane neste veke...

På bedehuset var det vaskedugnad, eg skal ikkje skryte på meg å ha gjort så veldig mykje der. Men eg tok i alle fall av meg dei moldete skoa då eg skulle inn med litt musikkutstyr, så det vart i alle fall ikkje skitnare etter mine tre minutt innom den dugnaden!

Så var det den o store Støbakk-dugnaden, med Christian og diverse onklar i hovudrollene. Eg fekk også leika litt bygningsmann i eit par timar, med vatring og blyantstreking som min store spesialitet, i tillegg til å vere ein glimrande plankehaldar i sagavdelinga.

Pompel og Pilt - eller Nils Ottar og Christian, om du vil.

Besta skal få ny hybel i kjellaren - omtrent slik skal inngangspartiet sjå ut. Ketil og Jan tok seg av arbeidet i høgda.

Også Mats ville hjelpe til litt.

Til og med barndomsheimen min er i endring. Mamma er i ferd med å fjerne tapeten på stua, snart skal ho ha seg nytt kjøkken og greier!

"The white arch" - avskilta etter 26 års teneste...

Dyrisk bra mål

2010-04-20T00:00:00.000+02:00

Ikkje alle kan vinne...

2010-04-15T00:33:00.004+02:00

Må berre legge ut ein filmsnutt Kay Amund anbefalte. Nokre gonger kan det vere lurast å berre bite tennene saman og gjere det beste ut av situasjonen...hehe :)

God påske!

2010-03-30T03:11:00.005+02:00

Nemi har forstått det...eller i alle fall nesten!

(trykk på bildet for større versjon før du les vidare...)

Heldigvis er det ikkje heilt feil med hyttetur, skiturar og frysing på fjellet - men det er Jesus som er det viktigaste i påska. Det er han vi bør feire, det er han som gjer at vi burde vere glade. Og takknemlege.

"Men han vart såra for våre brot, knust for våre synder. Straffa låg på han, så vi skulle ha fred, og ved hans sår har vi fått lækjedom."
(Jesaja 53:5)

Takk til Jesus. Og litt til Nemi også, for ei viktig påminning i starten av høgtida :)

Nils-Ove sine beste tips til ei god påske:

1. Nattverdsmøte på Godøy bedehus, skjærtorsdag klokka 19.30.

2. Påskemøte i Ålesund bedehus. Spesielt langfredag, då går det rykte om at nokre flotte folk frå Godøya skal spele og synge.

3. Påskefrukost 11.00 og møte 12.00 på Godøy bedehus 1. påskedag. Eg skal feire i fengselet, men alle andre bør stikke på påskefrukostfestivalen!

4. Johannes-evangeliet kapittel 20.

Tour de Kebab

2010-03-03T16:38:00.002+01:00

I slutten av februar 2010 fann Nils-Ove Støbakk ut at det var på tide med litt kebab. Dermed gjekk turen til Oslo for å plage kjentfolk og liknande.

Med god hjelp frå ein flott mobiltelefon, vart det meste av turen (minus Ikea-shopping og kjendisstatus på Golden Goal-innspeling) dokumentert og lagt ut på Facebook.

Trykk her for å sjå alle dei fantastiske bilda frå ein passe sløv og mettande tur til Oslo og omegn.

Still In Control

2010-02-17T03:50:00.003+01:00

Då har eg akkurat sett Norge tape 8-0 mot Canada i ishockey, tidlegare i kveld vart det fiasko i både skiskyting og boardercross. Går det mot nok ein OL-fiasko for Norge? Skal det bli null gull, som i Calgary i 1988? Kan svenskane ydmyke oss meir og meir, dag for dag?

For å vere heilt ærleg, klarer eg ikkje hisse meg så veldig opp over skuffande idrettsprestasjonar. Livet går vidare, heldigvis er det mange viktigare ting enn OL - sjølv om det innimellom kan vere både sosialt og god underhaldning.

Det er (dessverre) mange større problem her i verda enn manglande OL-gull. Jordskjelv, krig, togulykker, personlege problem i mange ulike kategoriar. Då er det godt å minne kvarandre på det som Kirk Franklin syng i "Still (In Control)":

He's still in control
He's soverign and He knows
Just how it feels to be afraid
Have folk you love walk away
Be still and know He's still in control

Enten livet er på topp eller heilt på trynet, så er Gud den same. Dag eller natt, aldri forlatt!

Så får vi sjå om vert OL-gull på sikt, for min eigen del er konsert og fotballtrening førsteprioritet onsdag kveld, så kan eg heller vurdere TV-kveld torsdag. Fredag til søndag er det skiweekend på Bjorli med Godøy Ungdomskor, før eg stikk til Oslo nokre dagar for å ete kebab, kjøpe ei hylle på Ikea og treffe kjekke folk :)

Ei tid for alt...

2010-02-15T01:31:00.005+01:00

Då er FC Kørv historie, etter 5 1/2 år som det beste Alnes-inspirerte laget i managerspelet Hattrick.

---

Fra: no-reply@hattrick.org [mailto:no-reply@hattrick.org]
Sendt: 15. februar 2010 01:02
Emne: Hattrick - Your account is deleted

Your team has been deleted.

A while ago you were warned that your team in Hattrick had been inactive for too long. Since you still haven't logged in, the team has now been deleted. We've done this because we want to make room for people who really want to play Hattrick.

Anyway, we hope that you had some fun while it lasted! Maybe we'll see each other again sometime.

Best regards,

The Hattrick Team
http://www.hattrick.org

Nevertheless - Sleeping In

2010-02-10T05:21:00.001+01:00

(Gå til Spotify om du vil ha betre lydkvalitet...)

Godt nyttår!

2010-01-26T02:19:00.005+01:00

Betre seint enn aldri, eller...?

Eg har eigentleg hatt veldig god til å blogge no i januar, men eg har rett og slett gjort såpass lite at eg ikkje har hatt noko å blogge om. Roleg nyttårsferie, med nokre få arbeidsdagar innimellom og mykje sløving. Pluss fotballtrening ein gong eller to i veka, denne sesongen vert det sjuarfotball på B-gjengen.

Men LITT har jo skjedd sidan sist. 2009 vart avslutta med ein heidundrandes IUF-fest og nyttårslovsangsfest, før Godøy og Alnes IUF sparka i gong det nye året med ungdomskveld 9. januar. Slengjer med nokre bildegallerilenkjer, så alle kan sjå kor kjekt vi har det!

Laurdag 16. januar hadde eg ein fantastisk arbeidsdag for Sunnmørsposten. Då var eg på Ørskogfjellet, der eg testa både airboard og stemninga i langrennsløypene. Kvit vinter på Sunnmøre må vere noko av det beste i heile verda!

Og snart skal eg få endå meir vintermoro. Til helga (29.-31. januar) er det Treff Et Tre på Orreneset og Strandafjellet. Vi blir ein heil bøling frå Godøya som skal innover, forhåpentlegvis kjem det nokre frå andre plassar også :)

Elles har eg vore pianist på fengselsgudsteneste, vitne- og lovsangsmøte, andakt på aldersheimen, korøving kvar mandag, barnemøte og Vestborg-møte. Og laga litt filmmusikk. Så omtrent sånn der har du januar 2010 for min del. Ein roleg start på det nye året, med mykje moro og lite arbeid. Så blir det kanskje litt annleis i februar? Eller ikkje...eg skal i alle fall på Bjorli på koret sin årlege skiweekend, i tillegg til nokre dagar i Oslo og ein snartur til Kongsberg.

Snakkes plutselig!

Turbilde, spelekveld og julebrus

2009-12-01T22:50:00.004+01:00

Ja, då er eg altså heime igjen. Har hatt så mykje å gjere dei to siste vekene at blogginga har blitt nedprioritert. Men eg, Kay Amund og Lidvar overlevde altså Sør-Amerika 2009, og no har eg til og med lagt ut ein del bilde frå turen på Facebook. Klikk her for å sjå oppsummeringa frå turen vår.

Som du ser til høgre, varta Per Oddvin opp med skikkeleg norsk kveldsmat då eg og Kay kom til Oslo. Det skal berre tre veker i utlandet til før norsk grovbrød og leverpostei kjem aller øvst på matlista. Grovbrød to the people!

Før eg reiste vidare frå Oslo, fekk eg med meg ein spelekveld saman med Bjørnar og Terje. Vi mimra tilbake til då vi budde i Trymsvei 12C i Kristiansand skuleåret 2004/2005, laga trønderpita til middag og rakk å spele både Settlers og Carcassone.

Som på ein ekte spelekveld for gutta boys, vart det brukbar stemning etter kvart. Det vart dessverre ikkje slåsskamp, men det er alltid gøy å spele attmed folk som hatar å tape. Sjølv vart eg nummer to i begge spela, nesten brukbart med tanke på jetlag og tynn luft i Terje sin kåk i 19. etasje i ei vaskekte Oslo-blokk.

Så har det plutseleg blitt desember og årets julebrussesong har endeleg starta! Presis 00.00 tysdag 1. desember spretta eg den første glasflaska med raudglinsande sukkervatn frå Hansa, fleire skal det bli i løpet av dei neste 31 dagane...god advent!

Machu Picchu og marsvin

2009-11-14T01:32:00.002+01:00

Dei ponchokledde sunnmøringane helsar frå høglandet i Peru! Onsdag var vi på Machu Picchu, den fantastiske fjellbyen som inkafolket bygde for lenge sidan - og som spanjolane aldri fann.

Dessverre var det ganske sunnmørsaktig ver akkurat den dagen, med skodde og regn, men vi overlevde. Og med ganske godt humør, til og med. Vi fekk ikkje fantastisk flotte bilde denne gongen - men forhåpentlegvis vert det betre neste gong eg skal opp på Machu Picchu!

Elles er vi tilbake i Lima no. Her skal vi vere til søndag, då går reisa nordaustover til Norge. For min del vert det Oslo eit par dagar først, før eg satsar på å reise heim onsdagen slik at eg får eit par netter i eiga seng før IUF-weekend på Orreneset.

No skal vi på kino og sjå 2012, så eg kan dessverre ikkje skrive så veldig mykje. Men fortvil ikkje, rett nedanfor denne teksten finn du eit knippe lekre bilde frå dei siste dagane.

Machu Picchu

Populært boyband ute på turné (eg kjøpte CD!)

To snakkande papegøyer, Polly til venstre.

Dalai Lama?

Machu Picchu igjen

Peruansk delikatesse - heilgrilla marsvin!

Aerlighet varer lengst...eller?

2009-11-09T22:15:00.002+01:00

Maa berre gjengi ein ganske spesiell samtale, henta fraa Cusco sentrum. Vi vart oppsoekt av ein solbrilleseljar med eksepsjonelt lave prisar...

Solbrillemannen: Very cheap sunglasses, real brands for one sol (to kroner)!

Kay Amund: They have to cost more than that.

S: No, no, only one sol, very good!

K: You should take ten soles, then maybe someone would buy them. That cheap sunglasses can't be real?

S: Yes, they're stolen!

Yellow Kid på jungeltur

2009-11-09T06:15:00.011+01:00

Då er vi tilbake i Lima ein snartur for å kjøle oss ned etter nokre varme og klamme dagar i jungelen. Det vart ikkje alligatorar, men vi fekk i alle fall sjå både rosa delfinar, artige fuglar, indianarar, blåserør, apekattar og digre slangar!

Sjølv fekk eg tilnamnet "The Yellow Guy" i Iquitos, forklaringa ser du på det lekre bildet til høgre. Støvlane fekk eg låne, t-skjorta var medbrakt frå Norge. Litt reklame for Lyngdal Bibelcamp høyrer med, til og med langt inne i Amazonas-jungelen :)

No går reisa vidare til Cusco og Machu Picchu. Mellom jungelen og fjellturen har vi berre nokre få timar og ei kort natt i Lima, så det vert ikkje så mykje tekst denne gongen. Du får heller sjå sjølv litt av det vi har opplevd i Peru dei siste dagane:

Hola!

2009-11-05T03:34:00.006+01:00

Då er vi på plass i Peru, landet der inkaane og Francisco Pizarro har herja før oss. No er det señorita Stine som er sjefen her i landet. Vi var til og med så heldige at ho kom og henta oss på flyplassen, før vi fekk vere med henne på jobb. Stine har praksis på eit senter der fattige barn får leksehjelp, litt mat og kan vere med på ulike aktivitetar. Dei to siste dagane har vi vore med som assistentar/klovnar og tøysa med ungane så godt vi kan.

Sidan vi kan fint lite spansk, er kommunikasjonen innimellom eit hinder. Men som Kay Amund viser her, kan du klare ganske så mykje ved hjelp av eit aktivt kroppsspråk. I tillegg utvidar ordforrådet seg litt og litt (poco y poco) dag for dag, så kanskje kan eg ein vakker dag klare å lære meg dette herlege språket? Akkurat no føler eg i alle fall at tysk B-språk på vidaregåande var ein fullstendig skivebom!

Lidvar prøvar i alle fall så godt han kan. Som du ser på bildet klarte han å hyre inn heile tre privatlærarar til å gå gjennom ei mattebok på spansk. Tala er i alle fall dei same i både Norge og Peru, sjølv om prisane på mat og drikke er ganske så ulike. Knappe tre kroner for ei flaske Cola er ikkje spesielt bra for tennene, men då vert det i alle fall meir å bruke på tannlegen når eg kjem heim...

Bryllupet i Brasil gjekk forresten veldig bra. Både Mateus og Anamaria sa klart og tydeleg "Ja, med Guds hjelp" - og dermed er dei ikkje lenger to, men eitt. Bryllupet var veldig ulikt frå både tradisjonelle norske og brasilianske bryllup, visstnok. Men lovsong, solid forbøn for ekteparet og sjølvaste Velsignelsen (Oslo Gospel Choir-varianten) på portugisisk var absolutt med på å gjere dagen til eit flott minne!

Etter bryllupsfesten var vi på kveldsgudsteneste i ei kyrkje i Curitiba (takk til Leandro for glimrande tolking), før vi fekk besøke ein vaskekte norsk misjonær. Mona Dysjeland jobbar for NMS i Brasil og inviterte ein liten gjeng til kveldsmat. Etter eit par meir normale variantar av brasiliansk pizza, var det sjokoladepizza til dessert. Underteikna var veldig skeptisk først, men det var faktisk knallgodt. Så skal du til Brasil MÅ du prøve sjokoladepizza. Og grillmat. Og guaranabrus. Og kanskje også ei badestrand, sjølv om vi aldri kom så langt...

Om nokre dagar reiser vi inn i jungelen. Iquitos er neste reisemål for gutta boys, der skal vi kanskje sjå alligatorar, indianarar med blåserør og rosa delfinar!

Meir frå Peru kjem forhåpentlegvis etter kvart - om vi overlever trafikken og delfinane..

Apekattar og andre rare dyr

2009-10-31T13:27:00.003+01:00

I tilfelle nokon skulle lure - vi har overlevd dei første dagane i Sør-Amerika!

Onsdag kveld vart vi henta av Tais og kjærasten Renato på flyplassen i São Paulo, etter vel 90 minutt i bilen var vi framme i Sorocaba. Frå onsdag til fredag overnatta vi i huset til Otsubo-familien, veldig koslege folk med nydeleg mat, piano og Pro Evolution Soccer. Eg vann i alle fall den siste av dei fire kampane mine, tydelegvis litt for mykje FIFA i det siste...

Torsdagen åt vi frukost og stakk til dyrehagen i Sorocaba. Der fekk eg leike paparazzi med mange fantastiske dyr som modellar. Min personlege favoritt ser du til høgre, ein brasiliansk nudistapekatt av den småfilosofiske sorten.

Seinare same dagen fekk vi besøke ein isfabrikk. Familien til svogeren til Renato har nemleg sin eigen fabrikk, der vi fekk gratis smaksprøver og ein fantastisk god mjølkeis - rett frå maskina!

For fleire bilde derifrå, sjå Kay Amund sin blogg.

Brasilianarane er ekstremt stolte av grillmaten sin, derfor måtte vi sjølvsagt teste ut ein BBQ-restaurant utpå kvelden. For rundt 70 kroner per person fekk vi ete så mykje vi ville, kelneren kom kvart andre minutt med noko nytt på grillspydet sitt. Spesielt kyllinghjarta var fantastisk gode, som du ser så koste eg meg som aldri før!

Etter grillfestivalen roa vi ned med "Wanted" på DVD før vi gjekk til sengs og stod opp til ein ny dag. Fredagen starta med ein varm tirettars lunsj signert mora til Tais, før vi sette oss på bussen til Curitiba. Bussane i Brasil er mykje betre enn dei norske, men vi var dessverre litt uheldige og fekk ein sjåfør som ikkje kunne å gire...etter mykje rykk og napp kom vi likevel fram til Curitiba, der Mateus henta oss på busstasjonen.

Mateus var romkamerat med Kay Amund på Hald, søndag skal han gifte seg og vi skal få vere med på moroa. Meir om det kjem kanskje seinare - om begge to klarer å seie "ja" - eller "sim", som er eitt av dei få orda eg har lært meg på portugisisk.

No bur vi på den teologiske høgskulen i Curitiba, her skal vi vere til måndag. Sengene er gode, dusjen er varm og dopapiret mjukt - kan det verte betre?

Ciao!

Sør-Amerika 2009

2009-10-27T21:11:00.008+01:00

Då er eg på Gardermoen, første stoppestaden på den fantastiske "Gutta boys på nye eventyr"-ekspedisjonen! Eg, Kay Amund og Lidvar skal dei neste tre vekene vimse omkring i Brasil og Peru, forhåpentligvis skal eg få oppdatert bloggen litt undervegs så mamma og alle andre nysgjerrige veit kvar vi er og kva vi gjer på.

Eg kan i alle fall starte med å legge ut ei grovskisse av turplanen vår.

SOROCABA: Onsdag 28. oktober - avreise Gardermoen, via Paris til São Paulo. Der blir vi henta av Tais, som Kay Amund gjekk på Hald attmed. Så reiser vi til Sorocaba, der vi skal vere eit par dagar.

CURITIBA: Fredag 30. oktober set vi oss på bussen frå Sorocaba til Curitiba. Der skal vi vere til måndag, på programmet står mellom anna bryllaup!

SÃO PAULO: Måndag 2. november flyg vi frå Curitiba til São Paulo, dermed får vi ein ettermiddag til å sjå oss litt om i millionbyen ute ved kysten.

LIMA: Tysdag 3. november flyg vi over grensa til Peru, der vi skal plage Stine i nokre dagar. Ho jobbar i hovudstaden Lima, ein ganske liten by med sju-åtte millionar innbyggjarar.

IQUITOS: Fredag 6. november flyg vi nordaust til Iquitos, midt inne i Amazonas-jungelen. Der skal vi mellom anna på overnattingstur i jungelen! Dette blir nok dei varmaste dagane på turen vår, med tropevarme og malariatablettar på menyen.

CUSCO: Måndag 9. november skiftar vi ut shorts og t-skjorte med langbukse og jakke. Då skal vi opp i høgda, til den tidlegare inkahovudstaden Cusco. Forhåpentlegvis skal vi unngå høgdesjuke, sjølv om byen ligg rundt 3.300 meter over havet...

MACHU PICCHU: Onsdag 11. november skal vi etter planen besøke turistmål numero uno i Peru. Den gamle inkabyen Machu Picchu er verdskjend og gler seg til å få besøk av tre sunnmøringar!

LIMA: Torsdag 12. november reiser vi tilbake til Lima, der vi nok ein gong skal plage Stine i nokre dagar før vi reiser heim til Norge.

NORWAY: Måndag 16. november er vi kanskje tilbake på Gardermoen. Om ikkje vi skulle få malaria, høgdesjuke, svineinfluensa eller finne på å gifte oss ute i jungelen.

Følg med for fleire oppdateringar - SUPERNILS er ute på tur!

Pit-Stop, potetball og pannekaker

2009-10-27T20:49:00.004+01:00

Den siste veka har vore hektisk for min del. Fredag-søndag var det Pit Stop på Valderøy bedehus, der eg var både filmteamkoordinator, Sambåndet-journalist og litt korpianist.

Heldigvis fekk eg ei flott opplading torsdag, då Godøy-besta inviterte meg til potetballmiddag. God gammaldags sunnmørskost som eg nok aldri blir lei av! Sjølvsagt med skumma kulturmjølk som tilbehør.

Så fekk eg nok ein koseleg middagsinvitasjon måndag, då Alnes-besta ringte og spurte om eg ville ha pannekaker til middag. Dermed vart det både fruktsuppe, pannekaker og jordbær til dessert.

Eg og Samuel slurpa i oss suppe for harde livet og gumla pannekaker til den store gullmedaljen. Tusen takk til både besta og besta for god mat og for å vere verdas beste bestemødre!

Og så var det Pit Stop mellom måltida, ja. Bilde frå helga finn du på ungmisjon.no, i tillegg har eg laga ei lita nettsak på Sambåndet si nettutgåve, så kjem det fire sider med reportasjestoff i neste papirutgåve.

Det vart ei flott helg med solid forkynning, variert og treffande lovsong, kjekke aktivitetar og mykje meir. I tillegg fekk eg spele eit par songar med Godøy Ungdomskor og vere gjestepianist for Herøy Gospelkor, eit ganske ferskt og veldig spennande kor frå Herøy.

Min "jobb" i helga var å skaffe tekst på storskjermen og organisere filming av talane. Eg hadde med meg ein flott gjeng med ungdommar som stod på frå tidleg til seint, resultatet vert etter kvart to bibeltimar og tre møte som heile verda kan få med seg på nettet. Tusen takk til alle som var med på Pit Stop 2009, både misjonstilsette, frivillige og deltakarar. Eg gler meg allereie til neste haust!

Heile øya i aktivitet

2009-10-05T02:36:00.005+02:00

Søndag avslutta Godøy 2/Vigra 2 sesongen med å vinne andre omgang av bortekampen mot Brattvåg 2. Dermed kunne eg oppsummere statistikken for sesongen, det kan faktisk vere ganske artig med Excel!

Severin kom heim frå sjøen og debuterte mot Brattvåg 2, dermed var totalt 52 mann i aksjon for B-laget i 2009! 12 frå Vigra og 40 frå Godøy. Nokon betre på Sunnmøre? Eller Norge, for den del?

Totalt har 49 mann frå 16 til 43 år deltatt i ein eller fleire seniorkampar for Godøy IL denne sesongen. Av A-spelarane var det berre åtte som ikkje var med i ein eller fleire B-kampar. Skadde spelarar, kortsamlarar med karantene og "benkeslitarar" fekk matchtrening på andrelaget, i tillegg var vi ganske så mange som fekk vere med og spele fotball "på skikkelig" igjen etter ein god del år med pause. Og eg fekk sjefe litt på sidelinja også.

Så blir det spennande å sjå kva som skjer til neste år. Utover hausten minka talet på spelarar frå veke til veke, sjølv om vi rekrutterte stadig nye B-debutantar. I dei to siste kampane hadde vi berre tolv mann disponibelt, det vart for tungt når kondisen ikkje akkurat er på toppnivå. Kai Henrik er tilfeldig utvald til å illustrere akkurat det poenget.

Får vi med nok folk til å ha eige Godøy 2-lag neste år? Blir det samarbeid med Vigra også i 2010? Kan det bli eit samarbeid med Giske, som har hatt store problem med å stille lag i år? Det får du kanskje vite etter kvart, foreløpig kan du i alle fall lese litt statistikk-oppsummering på Godøy-forumet. Om du vil :)

PS! Berre tre-fire av måla eg slapp inn mot Ellingsøy var min feil. Dei åtte-ni andre var eg sjanselaus på...

Opposite Way

2009-10-01T04:17:00.006+02:00

Fantastisk song frå Leeland! Tør du å gå den motsette vegen, å gjere noko heilt anna enn det alle forventar frå deg? Eller gjer du dei same tinga som du har gjort i alle år, utan å heilt vite kvifor?

"When everyone is setting the pace
It’s okay to run the opposite way"

For min egen del så prøvar eg å ta ned tempoet nokre hakk denne hausten. Om eg klarer det, er ei anna sak, men eg vil i alle fall prøve. Jobbe litt mindre, stresse litt mindre, ha meir tid til både meg sjølv, andre folk og Gud.

Mange lurer på om eg er gal, som har kvitta meg med ei flott leilegheit og sagt nei til fleire jobbar. Men eg trur at det er det rette for meg akkurat no. Og det følast godt å gå mot straumen og ikkje berre gjere det som alle forventar at eg skal gjere.

Og så er det godt å vite at Jesus gjekk den motsette vegen, men på ein heilt annan måte. Han kunne gått vekk, han kunne unngått det han hadde i vente. Men han ofra seg for meg og deg og han overvann døden. For oss.

"Yeah, through the cross He conquered the grave
So you could run the opposite way"

Kva veg går du på?

Eg heiter Nils-Ove, dette er bloggen min

2009-09-25T14:59:00.008+02:00

Dette har hendt sidan sist oppdatering:

Nils-Ove har slutta som altmulegmann på Godøy skule, no er han berre innom som lærarvikar no og då. Elles kjem inntekene frå diverse frilansarbeid, mellom anna Sambåndet, ANB, Sunnmørsposten og Kriminalomsorgen.

Leilegheita i firemannsboligen har skifta eigar, Nils-Ove har flytta inn i kjellaren til Leif Arne og Solveig Hausken - om lag 40 meter frå den tidlegare bustaden med det lekre badet. No er ikkje badet fullt like eksklusivt, men leilegheita er meir enn bra nok og rommar faktisk alt av møbler og anna tjafs som tidlegare var 40 meter nærare fjellsida.

I løpet av sommaren var Nils-Ove innom Ungdomscampen i Lyngdal, der han jobba ei veke. I tillegg reiste heile familien Støbakk på ferie til Paris for å feire 50-årsdagen til mamma Janne.

Katten Olga har forresten også skifta eigar. Etter at Nils-Ove i tre veker budde i kjellaren til foreldra sine i påvente av innflytting i kjellaren til Leif og Solveig, vart Olga verande igjen i det store huset til Janne og Oddbjørn Støbakk. Dette sidan ho trivst veldig godt der, men også fordi Nils-Ove skal ut på tur i nærmare tre veker i månadsskiftet oktober/november.

28. oktober klokka 06:45 lettar flyet frå Gardermoen, først 16. november 19:15 er Nils-Ove tilbake i Norge igjen. I mellomtida skal han mest sannsynleg innom São Paulo, Sorocaba, Curitiba, Lima, Cusco og kanskje Iquitos. Brasil og Peru, med andre ord!

For meir oppdatering på kva som skjer i livet til Nils-Ove Støbakk, følg med på supernils.blogspot.com. Det blir garantert fleire oppdateringer utover hausten.

Eg heiter Nils-Ove, dette er bloggen min.

På tide å komme seg ut av komfortsona?

2009-06-29T02:53:00.005+02:00

Save me, save me
From the kingdom of comfort where I am king
From my unhealthy lust of material things

Save me, save me
From the kingdom of comfort where I am king
To this kingdom of heaven where you are king

Eg har akkurat lest ei vanvittig bra bok. 315 sider på ein dag, faktisk. "Farlig tro" var så spennande at eg måtte lese frå perm til perm. Absolutt anbefalt sommarlesestoff! I tillegg går det an å lære meir om personane i boka og om andre forfølgde kristne på denne heimesida.

Å komme seg ut av sitt eige "kingdom of comfort" kan vere ubehagelig og skummelt, for mange til og med livsfarlig. Men har vi eigentleg noko anna alternativ?

Matt 16:24
Då sa Jesus til læresveinane sine: Om nokon vil koma etter meg, då må han gløyma seg sjølv, og ta krossen sin opp og fylgja meg.

For folk i muslimske land kan dette bety å å bryte med religion og familie. For oss i Norge kan det kanskje bety å omprioritere tida vår og pengane våre. Vil DU ta opp krossen din og følgje Jesus? Koste kva det koste vil?

PS! Søstern har fått blogg. Sjekk ut margrethestobakk.blogspot.com for ferierapport og veldig bra andakt!

Fotballfjas

2009-05-07T21:51:00.002+02:00

Aller først: Fantastisk video som eg akkurat såg for første gong på Golden Goal:

Elles har eg gjort comeback på fotballbana i år. Etter totalt åtte minutt som innbyttar på Godøy sitt A-lag i 5. divisjon i 1998, har eg no ELLEVE minutt på Godøy sitt B-lag i 5. divisjon i 2009. Søndag kom eg nemleg inn på slutten av oppgjeret mellom Lepsøy og Godøy 2 / Vigra 2. Og eg klarte til å med å sleive ballen i rett mål, mi første scoring sidan eg ordna begge måla i guttekampen mot Stranda i 1997...

Referat frå heimelaget finn du på lepsøy.com, for meir fokus på bortelaget sjå mitt referat på Godøy-forumet.

Laurdag er det ny B-kamp, heimekamp på Rota (Vigra) mot Harøy. Tabell og terminliste finn du på speaker.no, kampen startar klokka 15.00 og vi garanterer stor underhaldning! :)

Fingergymnastikk!

2009-04-10T15:10:00.001+02:00

108 Ord

Speedtest

God påske!

2009-04-07T02:51:00.004+02:00

Ein stor fordel med å jobbe på skule, er lang påskeferie. Så denne påska har eg god tid til å gjere fornuftige ting. Høyr berre her:

Palmehelga feira eg med møte på Giske og KRIK i Godøyhallen fredag kveld. Laurdag var det nok ein gong møte på Giske, så ungdomskveld på Valderøya før kvelden vart avslutta med Candy King-party. Palmesøndag var eg på jobb for ANB og dekte AaFK-Lillestrøm.

Mandag var det pizzaparty på Vigra. Per Oddvin var vert og fekk besøk av meg, Kay Amund, Daniel, Jan Harald, Ørjan og Stine. Absolutt ein veldig fornuftig mandagskveld!

Tysdag skal eg spele fotball. KRIK i Godøyhallen 1300, B-trening på grusbana 1900. Og så får vi sjå kva som skjer seinare på kvelden. Onsdag er det cupkamp, Godøy skal møte Langevåg på bortebane i 1. kvalikrunde - Godøy sin aller første cupkamp nokon gong!

Torsdag er det nattverdsmøte på Godøy-bedehuset 1930, det bør alle få med seg! Ein flott måte å innleie påskefeiringa på, så blir det påskemøte med Kjell Furnes på Alnes/Godøy bedehus resten av helga også. Pluss KRIK 1300 på fredag og ungdomskveld laurdagskvelden. Søndag skal eg i fengselet for å spele piano og ete sjokoladekake.

Kort oppsummert: Påska 2009 blir mykje fotball, ein god del møte og pianospeling, litt pizza innimellom og forhåpentlegvis mykje moro. Tjohei! :)

Årets film!

2009-04-06T20:02:00.000+02:00

Hoho! Fantastisk trailer! :)

supernils is back!

2009-02-23T22:36:00.006+01:00

Etter nesten eit halvt år utan oppdatert blogg, har eg endelig tatt meg tid til å taste inn nokre ord på datamaskina mi. Eller, det er faktisk ikkje mi datamaskin, men Godøy skule si. For om du trudde at eg vart igjen på Kreta og slutta å jobbe, då tok du veldig feil...

Eg kan ikkje love at eg kjem til å blogge så veldig mykje framover, men kanskje det er nokon der ute i den store internettverda som faktisk lurer på kva eg har gjort det siste halvåret? Vi tar ei lita oppdatering, så får tida vise når neste innlegg på denne supre bloggen kjem:

- september (og så vidt starten av oktober) 2008, vikariat som nettjournalist for smp.no.

- frå midten av oktober, lærarvikar +++ på Godøy skule og Alnes skule. Fram til 26. juni er eg tilsett som "potet" på skulen. Litt vikar, litt IT-ansvarleg og litt vaktmesterassistent. Ganske så mykje forskjellig, ganske så spennande :)

- før jul prøvde eg å selje leilegheita mi, men finanskrisa hindra tydelegvis potensielle kjøparar i å sikre seg den heftigste kåken i øvre Leitebakk. Men om eg får den prisen eg vil ha, seier eg ikkje nei til eit sal...

- elles så er det mykje å gjere som formann og lovsangsleiar for Godøy og Alnes IUF. KRIK på fredagane, ukveld ca annankvar laurdag og mykje moro elles.

- og når eliteserien startar opp 15. mars, skal eg dekke AaFK sine heimekampar live for ANB. Denne veka skal eg forresten jobbe nokre kveldsvakter for Sunnmørsposten-sporten, også, så journalistkarriera er ikkje heilt lagt på hylla enno.

Heilt til sist: Eg har endeleg oppdatert lenkelista på bloggen også. Nedlagde bloggar er borte vekk, men det er nokre "halvdaude" som eg enno ikkje har gitt opp: Jeanette, Jostein og Olav Magne. Når eg klarer å blogge igjen, kan alle klare det!

Og så ønskjer vi Lisa og Sven Harald velkomen med Australia-bloggen sin. Fleire bloggar eg bør ha med? Ta gjerne kontakt!

Dett var dett, ha ein flott dag :)

JADDA!

2008-08-29T20:30:00.005+02:00

Godøy-Valder 4-3!!!

Ekstremt spennande å følgje med på SMS og smp.no. Frå 1-0 til 1-3, for så å snu det heile og ro i land sigeren tre minutt på overtid.

Ah...deilig!

På bildet ser du midtstoppar Dagfinn Godø, som må finne fram knyttneven for å få vekk ein innpåsliten beundrar. Det skal ikkje vere lett å vere Godøy-spelar med FEM sigrar på rad...og neste år blir det kvalifisering til NM-cupen :D

Ifølge anonyme kjelder var denne personen, kjend som "Stø-Kai", ikkje utpå bana. Takk skal du ha!

I dag har eg forresten klart både "Vanskelig" og "Supervanskelig" Sudoku i VG frå søndag. Og hatt stor suksess mot datamaskina i sjakkspelet "Chess Titans".

Yeah!

Dagen i dag...

2008-08-28T22:03:00.001+02:00

- Kjøpte sandalar

- Sløva på stranda

- Jogga i ca tre minutt

- Testa badevatnet

- Såg på solnedgangen

- Sudoku

- Turkish Delight

:)

King of the road

2008-08-27T22:23:00.002+02:00

I dag har eg vore ute på ekspedisjon med min kjære Peugeot-scooter. Antrekket er sjølvsagt så korrekt som det kan bli, med grå/svart hjelm og splitter nye Okey-solbriller.

Først av alt: Til alle mopedistar og scooter-sjåførar som eg har sust forbi i Godøy-tunnelen og tenkt stygge tankar om...UNNSKYLD! Om lag 957 bilar passerte meg i fjella i dag, sjølv om scooteren klarte heile 47,5 km/t på flata og nesten 54 km/t i nedoverbakke, før turtallsperra kicka inn. Oppover varierte det mellom 20 og 30 på speedometeret...

Då er det langt kjekkare i byen, her herjar vi på to hjul og svingar elegant forbi køer, bussar og andre hinder på vegen!

Første stopp på turen var Spíli, ein nydeleg landsby i fjellet, kjend for sine store mengder krystallklart drikkevatn. På 1500-talet bygde venetianerane ein imponerande brønn oppom torget, med 19 løvehovud på rekke og rad som med stor kraft spyler kildevatn ned i ei avlang renne.

Vatnet var kaldt og godt og såg ut til å vere populært både som drikkevatn og handvask. Kan absolutt anbefalast om du skal til Kreta ein eller annan gong!

Hovudmålet for dagens reise var Agía Galíni, ein herleg og roleg hamneby på sørkysten. Byen består av ei koseleg hamn, ei brukbar sandstrand og mange hus som er trykt saman i ei skråning.

Det skal visstnok vere eit livleg natteliv i Agía Galíni, men heldigvis var det stilt og behageleg på ettermiddagen. I ei idyllisk gågate åt eg grilla sverdfisk, før eg roa heilt ned med ei Billy Graham-bok, fruktsalat og fersk appelsinjus nede ved hamna.

Etter kvart snudde eg scooteren mot Rethymnon igjen, men stoppa i Spíli for å drikke litt vatn på vegen. Etter ein kjapp dusj vert dagen i skrivande stund avslutta på internettkafeen/sportspuben. Burger, Cola, Smp.no og Champions League-kvalifisering. Kan det bli betre?

Kali méra, Kreta!

2008-08-26T20:37:00.005+02:00

Kva gjer du når du har jobba altfor mykje heile sommaren, har berre ei veke ferie igjen og ingen andre kan bli med på sydentur? Reiser til Kreta åleine, så klart!

Laurdag klokka 13:58. Eg er inne på nettet, finn ein OK restplass frå Apollo og bestiller.

Søndag klokka 19:38. Flyet lettar frå Vigra, fire og ein halv time seinare er eg framme på flyplassen i Heraklion. Utpå natta ein gong er eg framme på rommet mitt, om lag sju kilometer aust for Rethymnon.

Så langt har eg mellom anna leigd scooter (som eg skal ha heile veka), ete gyros, kika litt på stranda, lest ei knallgod Max Lucado-bok, sløva på altanen min og funne ein sportsbar slik at eg veit kvar eg skal vere under Chelsea-Tottenham på laurdag.

Heldigvis fekk eg leilighet og ikkje hotellrom, dermed har eg både kjøleskap og kokeplate og kan lage skikkeleg frukost. Takka vere Lidl, Spar og den lokale småbutikken har eg både oppvaskmiddel, eingongsbestikk, egg, pølser, bønner, skinke, ost og alt anna som ein ferierande slask kan tenkje seg når han vaknar ein eller anna gong utpå dagen.

Dei neste dagane skal eg kanskje bade litt, kanskje utforske området på scooter, kanskje dykke?

Spennande å sjå, vi får ta ein dag om gongen og håpe at Godøy klarer å knuse Valder på fredag - sjølv om ikkje eg er der...

Utfordring!

2008-06-12T19:10:00.002+02:00

Lite å skrive på bloggen for tida, men eg hiv meg på denne utfordringa frå Line, så får du i alle fall litt nytt frå meg:

Kvar spelar svarar på spørsmåla om seg sjølv.
I slutten av innlegget gjev du det videre til 6 andre personar og fører opp namna deira.
Så legg du beskjed hos dei om at dei er tagga og ber dei lese din blogg.
La personen som tagga deg vite det når du har lagt inn svar.

1: Kva gjorde du for 10 år sidan?
Gjekk i demonstrasjonstog for å unngå nedlegging av Giske vgs.

2: Nevn 5 ting du har/hadde på "gjere-lista" di i dag?
- stå opp
- møte oppp på Sunnmørsposten før 0845
- våkne
- styremøte i Godøy og Alnes IUF, med pizza og vatn som møtemat og Pro etterpå (vann mot Ørjan)
- ballbingefotball på Alnes

3: Snack du liker?
Jepp :)

4: Ting du vil gjere som milliardær?
Forsto ikkje spørsmålet...pengar? Kva er det?

5: Stader du har budd?
Godøya, Hamilton (NZ), Jørstadmoen, Bildøy, Bergen, Kristiansand, Godøya.

Så gir eg utfordringa vidare til:
Ruben, Kay Amund, Stine, Stine, Kjetil og Geir Ove!

Ei lita oppsummering

2008-06-04T04:07:00.005+02:00

Då er eg tilbake i Norge og har til og med starta som sommarvikar i Sunnmørsposten. På Godøya er det sol og varme 24 timar i døgnet, dette ser ut til å bli ein fantastisk sommar!

Etter Israel-turen var eg i Oslo nokre dagar. Eg budde hos Geir Ove og fekk teste ut den splitter nye sovesofaen hans. Tusen takk for mat, drikke og overnatting! I tillegg besøkte eg Kay Amund og Stine og stakk på landskamp attmed Terje, som eg budde attmed i Kristiansand. I tillegg rakk eg å knuse Bjørn Tore i eit Buzz-liknande spel på Nintendo Wii :)

Men Israel, ja. Etter Eilat og dykking gjekk turen opp til Jerusalem, der vi vandra i gamlebyen og tok livet med ro. Og avslutta turen med eit skikkeleg søndagsmøte i King of Kings, ei pinsemenighet i Jerusalem. Utruleg herleg å lovsynge saman med kristne brør og søstre i "Den evige stad", byen der Jesus vart uskyldig dømd og døydde for syndene mine og dine. Og sto opp igjen og ga oss eit evig liv!

Bilde frå Israel-turen er endeleg ute på nett, klikk på linkane under for å sjå og lære:

Roadtrip 2008 #1
Roadtrip 2008 #2

PS! Berre eit lite reisetips til alle gutar som har tenkt seg til Israel. Pass deg for dei søte jentene, plutseleg har dei eit digert maskingevær på ryggen...

Dykkerlappen neste?

2008-05-23T22:48:00.003+02:00

Fredag 23. mai 2008 fekk eg endeleg gjort noko eg har drøymt om i mange, mange år: Dykking!

I 25 minutt var eg og Magnus under vatn, i eit inngjerda område attmed fleire andre dykkerar og åtte delfinar. Greitt nok, vi hadde kvar vår instruktør attmed oss heile tida, men vi har uansett dykka. Ned til seks meter. Utan å drukne. Og for min del ga det i alle fall meirsmak.

Så om nokon les dette og har lyst å ta seg vatn over hovudet: Skal vi ta dykkerlappen i sommar? Eg er i alle fall klar! :)

I'm alive!

2008-05-22T22:03:00.004+02:00

Til alle bekymra lesarar av den fantastisk bloggen min - eg er i live! :)

Har berre ikkje så mykje tid til nettsurfing her nede i Israel, men har i alle fall hatt ein herleg tur så langt. Vi kom til Tel Aviv på måndag og overnatta der til tysdag. Så køyrde vi innom Netanya (bildet), Cæsarea (gammal ruinby) og Nasaret på veg til Tiberias, der vi budde frå tysdag til torsdag.

Onsdagen starta med svømmebassengbading og pittelitt soling, før vi køyrde rundt Genesaretsjøen og hang på Golanhøgdene. Torsdag gjekk turen gjennom Vestbredden til Dødehavet. Der var vi først oppe på Massada, ei fantastisk fjellborg. Etterpå bada vi - heilt sjukt å berre flyte omkring! Ikkje så kjekt å få supersalt salt i munnen, men det gjekk bra...

Og no sit eg altså på takterassen i Eilat. På det som heiter ungdomsherberge her, men er minst like bra som norske hotell. Litt over klokka 23 på kvelden, i shorts og t-skjorte. Vi var akkurat borte i sentrum og kjøpte oss smoothie, som dei sel overalt her i Israel. Sunt, godt og herleg forfriskande!

Planen vidare er sløving i Eilat fredag, så stikk vi oppover til Jerusalem til helga. Og muligens innom Dødehavet igjen, sidan kameraet var batteritomt første gongen vi var der...

Mange fleire bilde kjem etterkvart, men truleg ikkje før eg er i gamlelandet igjen. Ha det fint så lenge, folkens. Eller som dei seier det her i nabolaget: Shalom!

Sirkus, kamp, bilrebus og 17. mai

2008-05-18T02:32:00.005+02:00

Då er ei hektisk, men utruleg kjekk veke over. Tre store høgdepunkt som må nemnast:

- Tysdag 13. mai var eg på Ciruks Agora saman med Daniel, Lennart, John Olav og Mette. Eigentleg skulle dette vere første gongen det var sirkus på Godøya, men i siste liten ombestemte sirkuset seg og satte opp teltet på Giske i staden. Men vi fekk uansett nokre artige timar med klovnar, akrobatikk, hestar, elefantar og Jonas Alnes Gustafson som dagens helt!

- Fredag 16. mai var det først fotballkamp på Valdervoll. Etterpå var det som vanleg bilrebus på Godøya, med meg som rebussjef. 28 bilar med om lag 140 deltakarar stilte opp og vi fekk ein flott kveld med Lisa Nyvoll som årets vinnar. Les meir om bilrebusen (og møta som skal vere til helga!) på ukveld.net.

- Laurdag 17. mai var det 17. mai. Med andre ord tog, god mat, kjekke folk, leikar og program i hallen og så sløving på kvelden heilt til slutt. Klikk her for bilde frå den store dagen, med meg i bunad og det heile...

No er det søndag, og eg gjer meg klar til å reise. Først til Oslo, så går ferda vidare til Tel Aviv på mandag. Flybillettar og leigebil er i orden, så får vi forhåpentlegvis overnatting også i løpet av den vekeslange turen til Israel. Vermeldingane ser veldig lovande ut, så det spørs om eg ikkje må kjøpe meg solbriller og solkrem der nede i Midtøsten! :D

PS! Måndag 26. til torsdag 29. blir eg i Oslo. Om nokon har gode forslag til kva eg skal finne på der, ta gjerne kontakt.

SMS frå Gud

2008-05-08T12:16:00.005+02:00

Torsdag 8. mai gjorde eg noko eg veldig sjeldan gjer; eg stod opp tidlig og stakk på fjellet ein tur. Det blei berre Sløk denne gongen, men tungt nok likevel for ein trøtt og slapp kropp.

Heldigvis fekk eg eit bibelvers på SMS midt i ein av dei brattaste bakkane:

"Ingen er hellig som Herren. For det er ingen uten deg, det er ingen klippe som vår Gud." (1. Sam 2:2)

Sjølv om Godøyfjellet kan vere slitsamt for ein slask som meg, er det ingenting for Gud. Det er ingenting samanlikna med Gud. Han er så uendeleg mykje større enn alle fjell vi kan forestille oss. Og saman med han, kan vi overvinne sjølv dei største "fjella" i liva våre.

Gratulerer med frigjeringsdagen, i dag er det nøyaktig 63 år sidan krigen enda i Norge. Men korleis er det med deg - er du frigjort?

Klikk her for fleire bilde frå fjellturen.

On top of the world!

2008-05-05T02:30:00.003+02:00

Søndag 4. mai var eg endeleg på Godøyfjellet for første gong i år. Og for ein dag!

Rundt 100 menneske var samla på "Storehønnjet" for å avduke den nye sikteskiva, som viser retning og avstand til andre øyar og fjelltoppar i området. Og vi fekk fantastisk ver, fantastisk utsikt, rett og slett ein fantastisk fjelltur!

Århundrets tips: Godøyfjellet!

Bilda finn du her.

Sommarferie!

2008-05-01T03:02:00.003+02:00

Og då er eg visst ferdig som tenåringsarbeidar i Ung Misjon...

Den siste arbeisdagen blei feira på herleg vis, med arbeid frå 10 til 02. Natt til 1. mai-gospel vart ein suksess, med mykje folk og god stemning. Og eg var så heldig at eg fekk spele flygel og greier! Tusen takk til alle som hjalp til med praktiske ting, med song og musikk eller berre med å møte opp med ditt gode humør :)

Eg har forresten gløymt å nemne på bloggen at eg skal til Israel 19.-26. mai. Roadtrip saman med Lidvar og Magnus, det skal bli saker! Men først skal eg prøve å ta livet litt med ro her heime i eit par veker og planlegge bilrebus til 16. mai. I år skal ingen klare alle rebusane...hehe...

PS! Tusen takk til Oddveig Karin Holmen, som ofra copyrighten og ga meg lov til å bruke flygel-bildet på bloggen min.

Full fart

2008-04-29T13:53:00.005+02:00

For første gong sidan 13. februar er det ikkje møteveke på Godøya denne veka. IUF-møteaksjonen 2008 vart avslutta med jubel og song og kaker og kjeks søndag 27. april. Rart, men samtidig stort å ha fått opplevd så mykje dei siste månadane. Gud er god!

Men det er nok å finne på likevel. Torsdag sluttar eg som tenåringsarbeidar, men fram til då er det full fart. Onsdag kveld er det nemleg duka for vårens store happening, natt til 1. mai-gospel på Blindheim bedehus!

Tysdag (i dag) har eg sendt pressemelding til Sunnmørsposten og laga til litt småtjafs som skal rulle på storskjermen. Seinare i dag skal eg kopiere opp notar (vi skal vere lovsongsteam, godt samkøyrde etter to mnd med "øving"...), flytte Respons sitt anlegg heilt frå Emblem til Blindheim og ete middag saman med IUF-styret, lovsongsteamet og Tor Ingvald.

Onsdag skal Sunnmørskirka sitt anlegg flyttast frå Ålesund bedehus til Blindheim og diverse ting ordnast, før sjølve gospelnighten startar 20.00. Godøy Ungdomskor, Respons, Nytt Lys og småkonsertar i kjellaren. Konge! :)

Torsdag er eg arbeidsledig på papiret, men skal ikkje berre sløve likevel. Ungdomskoret skal synge på samtalegudsteneste og eg skal sørgje for at lyden blir sann passe åkei. Og - ikkje minst - så skal eg i bursdagsselskap til Kay Amund, som straks er 26 år!

Fredag skal eg berre lage litt radio (Ung Time, kvar fredag 15-16 på radiosentrum.no og FM101.0) og sjå Brattvåg-Godøy i Brattvågen. Og så blir det ungdomskveld på Godøy bedehus laurdag kveld.

Ha ei flott veke, snakkast både her og der! :)

Superkjendis

2008-04-24T01:30:00.002+02:00

Av ein eller annan grunn liker eg veldig godt denne reklamefilmen for Ungdomscampen...

Sjølv skal eg jobbe i heile sommar, men eg vil på det aller varmaste anbefale ein tur til Lyngdal! :)

Hochwertiges tischtennistisch

2008-04-19T04:02:00.003+02:00

Torsdag kom endeleg det nye bordtennisbordet til bedehuset, og fredag kveld tok vi ein aldri så liten dugnad og fekk montert det. Eg, Ørjan og Bård mekka i nokre timar og enda utruleg nok opp med eit flott bord som var aldeles herleg å spele på!

Hittil har det vore litt færre folk på møta denne veka enn det vi etter kvart har blitt vande med. Men det blir spennande å sjå kva som skjer i helga, eg er i alle fall klar for KRIK, ungdomskveld (med bordtennisspeling, så klart!) og søndagsmøte. Så får tida vise om det vert møte også neste veke :)

Bilda frå den fantastiske bordtennisbord-mekkinga finn du her:
- for deg som har Facebook
- for deg som ikkje har Facebook

Grattis!

2008-04-07T21:16:00.003+02:00

Då har det skjedd, det som i alle fall ikkje eg skulle tru at nokon skulle kunne tru...den "pittelille" lillesøstra mi har fått lappen!

Gratulerer så mykje, Margrethe. Køyr forsiktig...

Elles så er det IKKJE møteveke på Godøya denne veka. Vi tar "time-out" ei veke, så startar vi på igjen onsdag 17. april :)

Igjen og igjen og igjen og igjen...

2008-04-02T00:46:00.003+02:00

Som Rudi Myntevik syng det så bra: "Igjen og igjen og igjen og igjen kan vi synge: Du er trofast, du er god!"

I dag, onsdag 2. april 2008, startar vi på den åttande møteveka på rad på Godøya! Nye har tatt imot Jesus kvar veke og endå fleire har vorte fornya og tatt nye steg med Sjefen sjøl.

Denne veka er det møte onsdag-søndag, meir informasjon og bilde frå laurdag finn du sjølvsagt på heimesida til Godøy og Alnes IUF :)

Måndag kveld var vi rundt på øya med flygeblad etter korøvinga, eg var så heldig å få sjølvaste Tore Hole Oksnes med meg som løpegutt. Valderøyingen i koret gjorde ein veldig god jobb. Bra, Tore!

Laurdag tok eg forresten mitt livs første "dragning", då eg bøtta inn mål under møteveke-KRIK i Godøyhallen. Spennande å sjå om eg klarer å halde på formtoppen heilt til Førjulsturneringa i desember...

Kake og greier!

2008-03-21T04:23:00.006+01:00

Torsdag 20. mars 2008. Skjærtorsdag. Brann fekk bot av UEFA. Alexander Dale Oen sette nordisk rekord på 200 meter bryst. Ashley Cole sa endeleg unnskyld etter å ha grisetakla Alan Hutton.

Og Nils-Ove Støbakk vart eitt år eldre...

Dagen starta med familieselskap "nedi Støbakk", med gryterett, kalkun og etter kvart ei nydeleg marsipankake. Så var det møte på Godøy-bedehuset (møteveke #6) før det vart ny bursdagsfestival i øvre Leitebakk. Den nye rekorden i talet på personar inne i leiligheita mi samstundes er no 38!

Sidan sist blogg-oppdatering har eg mellom anna vore på påskeleir på Brusdalsheimen og sett Godøy slå Rollon 1-0. Elles er det ikkje så mykje å seie anna enn at du er hjarteleg velkomen til møte på Godøy bedehus - for meir informasjon, sjå ukveld.net :)

Velsigna god påske!

No stress

2008-03-05T09:59:00.003+01:00

Vi menneske vil veldig ofte klare oss på eigahand. Dessverre er det nokre ting som er fullstendig umulig for oss, som å fortene eit evig liv. Den einaste måten vi kan klare det på, er å innrømme at for oss er det umulig. Og stole heilt og fullt på Han som var villig til å gi seg sjølv for oss...

Du kan kjempe så mykje du vil, men det går ikkje. Du er ikkje sterk nok. Ikkje i deg sjølv. Ikkje før du gir opp, og innser at du treng hjelp. Då er ingenting umulig.

Dei siste tre vekene har eg fått sett og opplevd stadig nye ting med Jesus. I kveld startar vi på den fjerde møteveka på Godøya, i utgangspunktet hadde vi planlagt berre ei. Men Jesus har overraska oss, gong på gong. Og vi har fått sjå at når du er på lag med den sterkaste, då er ingenting umulig!

Kom til meg, alle som strevar og har tungt å bera, og eg vil gje dykk kvile. (Matteus 11:28)

Snart helg :)

2008-02-29T11:41:00.002+01:00

Og FOR ei helg det skal bli!

No skal eg straks inn på kontoret og lage litt radio. Kvar fredag 15-16 er det Ung Time på Radio Sentrum, med feit musikk, eit par nyttige tips innimellom og informasjon om kva som skjer i helga. Skru på FM101.0 eller klikk deg inn på webradioen på radiosentrum.no.

Seinare i dag er det møte på Godøya (19.30), med frie vitnesbyrd og greier! Etter kvart går turen til kyrkjekjellaren på Valderøya, der eg skal ha andakt på Tollfritt.

Laurdag skal eg faktisk jobbe litt først, klokka 11 er det nemleg duka for semifinale i Salomokonkurransen, ein bibelkonkurranse for barn og ungdommar. Vigra Yngres A og Godøy Ving C har begge sjansen til å kome til finalen i Bergen, semifinalen skal avviklast på Ålesund bedehus i regi av meg og sjefen min.

Rett etter det, skal eg opp i Godøyhallen, der det er møteveke-KRIK frå klokka 15. Og seinare på kvelden er det ungdomskveld på Godøy bedehus, klokka 21 skal det skje!

Søndag veit eg foreløpig "berre" om kveldsmøte på Godøya 19.30, men det er ikkje berre berre, det!

Ha ei flott helg, oppfør deg fint og gjer gjerne noko som eg har tenkt å gjere :)

Ei lita oppdatering...

2008-02-28T15:08:00.008+01:00

Småhektisk for tida, men kanskje på tide å orientere litt om kva eg har gjort på i det siste?

I helga måtte eg "stikke av" frå IUF-møteveka på Godøya, heldigvis fekk eg vere med på ein flott leir - Winter Games! 55 ungar og ein bønsj med leiarar hadde ei herleg helg på Orreneset, der Karl Arne Austnes var talar og eg var leirsjef.

Laurdag var vi i skibakken, søndag var det akekonkurranse, snømannnbygging og andre artige uteaktivitetar. Bilde av meg i mi "lekre" skijakke og mykje meir finn du på ungmisjon.no :)

Søndag kveld var eg på kino, måndag hadde vi avskjedsmiddag med alle tre besteforeldra på besøk og stakk på flyplassen for å sende lillebror av gårde til Australia igjen.

Stig-Johnny har eitt år igjen før han er ferdig utdanna superseriøs programmerar med ein lang tittel som eg aldri kjem til å klare å huske utenat.

Måndag-torsdag har han vore i London, i løpet av fredagen er han etter planen framme i Melbourne igjen.

Og måndag er sommarferien hans endeleg over, etter å ha hatt fri sidan midten av november...så kjem han heim igjen i november/desember, heldigvis har vi både MSN og Skype slik at det går an å ha ein viss kontakt sjølv om han bur så langt heimefrå som det går an å kome utan å forlate planeten Tellus...

Fyren du ser på bildet til høgre er forresten ikkje postmannen, men sjølvaste Bård Erik Nyvoll!

Tysdag var eg og Bård (og sju-åtte andre) ute med møtevekeflygeblad for andre tysdag på rad. Både på dørene til folk og i postkassene til dei vi ikkje rakk å besøke...så dermed bør alle vite at det er IUF-møteveke #3 på Godøya akkurat no!

For meir informasjon, sjå ukveld.net. Snakkast på møte :)

Faktisk endå betre!

2008-02-18T04:43:00.004+01:00

Eg er så fornøgd med teksten eg skreiv på ukveld.net at eg limer inn akkurat det samme her også:

Sjølv om vi har hatt fem herlege møte, med både frelse og fornying, følte vi det vart feil å seie stopp no. Dermed vert det IUF-møteveke også den komande veka!

Onsdag startar vi opp igjen og håper at akkurat DU vil ta turen innom bedehuset. Ver frimodig, inviter med deg folk og kom på møte. Og ikkje gløym å be for det som skal skje, både når du er for deg sjølv og gjerne også på bønnemøta. Samling i bedehuskjellaren kvar dag, både klokka eitt og ein halvtime før møtestart.

For eg skjemmest ikkje ved evangeliet, for det er ei Guds kraft til frelse for kvar den som trur. (Rom 1:16)

PS! Nei, eg går ikkje med den same T-skjorta heile tida. Og eg vaska den lekre Pit Stop-skjorta mi etter Bjorli-turen, slik at ho var nyvaska på isbildet. Så får tida vise om eg har på meg den same T-skjorta også neste laurdag...

Betre og betre?

2008-02-11T21:48:00.000+01:00

Helga på Bjorli var heilt fantastisk på alle måtar, om nokon skulle lure! Og no har eg hatt taco/planleggingsmøte med heile talargjengen til IUF-møteveka på Godøya, so no gler eg meg skikkeleg til vi startar opp på onsdag. Sjå ukveld.net for meir informasjon, ta deg ein tur eller fem og få med deg folk! :)

Mange herlege bilde frå Bjorli finn du her:

Bjorli 2008 på ukveld.net

Bjorli 2008 #1 på Facebook
Bjorli 2008 #2 på Facebook
Bjorli 2008 #3 på Facebook

Bjorli, here I come!

2008-02-07T23:04:00.000+01:00

I helga skal eg på skiweekend med Godøy Ungdomskor til Bjorli!

Kvar vinter fyller søsne kormedlemmer opp ein buss, søsar seg over fylkesgrensa til Oppland og søsar heile helga på Bjorliheimen og i skibakkane til Bjorli Skisenter. Til høgre ser du eit nydeleg bilde av meg på Bjorli-turen 2007...

Og som ikkje det skulle vere nok - neste veke er det IUF-møteveke på Godøya! Tor Ingvald Lauvrak, Edvard Thormodsæter med fleire kjem på besøk. Meir informasjon og rullande reklamebanner finn du sjølvsagt på ukveld.net :)

Snart 1. mai!

2008-02-01T00:00:00.000+01:00

Torsdag var eg på planleggingsmøte for natt-til-første-mai-gospel 2008. Møtet var heime hos Gunhild, som er både leiar i barne- og ungdomsnemnda til Ung Misjon og Blindheim bedehus-entusiast.

Tusen takk til Gunhild, her avbilda 30. april i fjor, for nydeleg eplepai. I tillegg tok frøken Thorsen den lange vegen til butikken for å handle Cola, sjølv om ho hadde Pepsi Max i kjellaren. Slikt likar vi, brus framfor skvip tydar på god vurderingsevne!

Eg skal visst ha ansvaret for lovsongen på natt-til-første-mai også i år, noko som tydar på at vi kjempeseriøse godøyingane klarte oss ganske brukbart i fjor. Wehey!

Fleire bilde frå fjorårets natt-til-første-mai-gospel finn du sjølvsagt i Ung Misjon sitt bildegalleri. Så blir det spennande å sjå kven som dukkar opp på årets arrangement :)

Nokre gode forslag til kva eg skal finne på i helga, forresten?

Har du det bra?

2008-01-31T03:02:00.000+01:00

Kva er standardsvaret når nokon spør deg korleis du har det? Mest sannsynlig seier du nesten alltid "Joda, det går bra" eller noko liknande - uansett om du har det heilt fantastisk, midt på treet eller føler deg elendig. Kvifor er det så vanskeleg å vere ærleg og seie det du eigentleg har lyst å seie?

Som Sanctus Real syng i "I'm not alright":

I'm not alright
I'm broken inside, broken inside
And all I go through
It leads me to you, it leads me to you

Nokre gongar må vi berre innrømme at livet kan vere dritt innimellom. Heldigvis har vi ein frelsar som aldri sviktar, som alltid er der for oss og som vi kan prate med akkurat når vi vil - om akkurat det vi vil. Og han blir aldri lei. Han blir aldri trøytt. Han vil berre trøyste. Gong på gong.

Salige er de som sørger, for de skal trøstes. (Matteus 5:4)

Cofféy Anderson - All Ye

2008-01-30T00:46:00.000+01:00

På bibelgruppe tysdag kveld kom vi over denne fantastisk herlege songen på GodTube.com. Cofféy Anderson har eg faktisk aldri høyrt om før, men etter berre eit par klikk er i alle fall eg hekta!

Du finn haugevis med videoar av og med Cofféy på både GodTube og YouTube. Og kvifor ikkje stikke innom MySpace-sida hans også når du først er i gang?

Når vi først er inne på på fornuftige nettips: Sjekk ut denne videosnutten også. Det er kanskje ikkje nødvendigvis akkurat slik det kjem til å bli, men kanskje? Uansett er det viktig å vere klar. Lykke til! :)

PS! Sjå gjerne dette dramastykket også. Absolutt å anbefale!

Åttiårsdag og slikt

2008-01-29T00:19:00.000+01:00

Søndag var det stort selskap i bedehuskjellaren på Godøya. Då feira Johnny Paul "Besten" Alnes at han vart 80 år tidlegare i månaden. Mykje folk, god stemning og nydeleg mat. Akkurat slik det skal vere :)

Eg og Aleksander var først på "Treff et tre" på Orreneset, der vi mellom anna stod på ski på Strandafjellet laurdagen. Stiv og støl og trøtt som ei fjøl klarte eg likevel å køyre heim igjen natt til søndag, slik at vi kunne vere med på den store feiringa.

Søndag kveld var eg på søndagsfotball i Godøyhallen for tredje søndag på rad. Og forsyne meg scora ikkje eg fem-seks mål også denne gongen! 2008 ser ut til å bli eit godt fotballår, eg gler meg allereie til Førjulsturneringa i desember!

Heilt til slutt eit herleg bilde av Alnes-besta og Alnes-besten.

Eit skikkeleg blinkskudd, om eg må få seie det sjølv :)

Sølvsmeden

2008-01-24T00:51:00.000+01:00

(Måtte berre stjele ei veldig bra forteljing frå Ingrid sin blog, etter tips frå Kay Amund.)

"Tre eldre damer pleide å treffes hver torsdag for å lese i Bibelen sammen. En torsdag var de kommet til Malaki i det gamle testamentet.

” Han skal sitte og smelte og rense sølvet” leste en av damene høyt fra Malaki 3,3

På vei hjem fra Bibeltreffet ble dette bibelverset sittende igjen hos en av damene.
”Hvorfor står det at Gud er som sølvsmed som sitter ned mens han arbeider med å rense oss?” grublet hun på.

Hun klarte ikke å slutte å gruble på dette, så da hun kom hjem fant hun fram til en sølvsmed i telefonkatalogen, ringte til ham og spurte om hun komme innom på studiebesøk en dag. Sølvsmeden ble en smule overrasket, men sa at hun var hjertelig velkommen til å stikke innom.

Som sagt, så gjort, noen dager senere gikk den lille damen ned til sølvsmeden.

”Si meg, kan du fortelle noe om hvordan du arbeider med sølvet?”

Det gjorde smeden gjerne, og han fortalte grundig hvordan hele prosessen gikk for seg.

”Men si meg”, sa hun da han hadde avsluttet beskrivelsen sin, ”stemmer det at du sitter ned mens renselsesprosessen foregår?”

”Å ja!” svarte smeden. ”Jeg må sitte med blikket festet på smelteovenen. Hvis prosessen fortsetter bare littegrann lenger enn nødvendig, blir sølvet skadet.”

Den lille damen ble helt varm i hjertet da hun hørte smedens ord. Tenk at Gud gjør det samme med oss! Han holder blikket festet på oss mens vi går igjennom en prøvelse, slik at vi ikke prøves mer enn vi klarer.

Hun takket for at hun hadde fått komme på besøk, og for at smeden hadde tatt seg tid til å fortelle så mye om arbeidet sitt for henne.

Men akkuart idet hun skulle til å forlate smia, ropte smeden etter henne.

”Forresten, det var noe jeg glemte å fortelle. Jeg vet at renselseprosessen er ferdig når jeg ser mitt eget speilbilde i sølvet.”

5-1!

2008-01-23T00:46:00.000+01:00

"And they haven't just beat them - they've badgered them!"

VG: Tottenham tok helt av

Dagbladet: Spurs slaktet Arsenal-spøkelset

Nettavisen: Tottenham til cupfinalen

Vi feirar med ein retro-video: Cupfinalesangen frå 1980/81 med "Chas & Dave". Jada, det er berre ligacupen denne gongen, men vi knuste Arsenal 5-1! :D

Tilbake på lufta

2008-01-18T14:02:00.000+01:00

I dag, fredag 18. januar 2008, er eg endeleg tilbake på lufta etter litt ufrivillig lang juleferie. Kvar fredag 15-16 er det Ung Time på Radio Sentrum sine frekvensar (101.0 i ålesundsområdet i alle fall) og på Radio Sentrum sin nettradio. Om du ikkje får med deg sendinga då, er det reprise natt til søndag 03-04!

I denne sendinga får du mellom anna nokre smakebitar frå to veldig bra plater. Steven Curtis Chapman - This Moment kom ut i november, er Chapman sin første CD på tre år og er rett og slett gitarbasert lovsang som er lett å synge med på. Gode tekstar og mange bibelhenvisningar, slikt likar vi.

Kirk Franklin - The Fight Of My Life er den mest utypiske Kirk Franklin-plata eg har sett til no, med omtrent alle musikksjangrar innblanda i Kirk sin contemporary gospel-stil. Spesielt spor 9, med Tobymac som gjestesongar, er vanvittig kul! Lovsangsrock-gospel-rap eller noko slikt? Absolutt verdt ein hundrelapp eller to!

Denne helga skal eg mellom anna spele piano på barnemøte på Godøya og vere tekniker på ein Bjarte Leithaug-konsert. Og om berre ei veke er det TREFF ET TRE på Orreneset/Strandafjellet. Skileir for deg som er 16+, med sjølvaste Thore Søvik frå SUM som talar. Bra leir, bra skiforhold, bra leir! Klikk deg inn på Ung Misjon dått enno og meld deg på :)

Grattis!

2008-01-13T04:25:00.000+01:00

Då har det utrulege skjedd - den pittelille lillesøstra mi, attpåklatten vår, Tekken-entusiasten og Spar-butikkdama (som faktisk nesten ikkje lenger er fjortis) har blitt 18 år!

Grattis med dagen, Margrethe. Og lykke til med køyretimane framover...*gulp*

Eg skal ikkje ta med pinlege historier om bæsjing i badekaret og slikt, men heller oppsummere litt av dei store tinga som har hendt 13. januar opp gjennom åra:

- 1777: Elisa Bonaparte, Napoleon si søster, vert fødd.
- 1930: Den første Mikke Mus-stripa kjem på trykk.
- 1957: Firmaet Wham-O produserar den første frisbeen.
- 1977: Skodespelaren Orlando Bloom vert fødd.
- 1990: Margrethe Støbakk vert fødd på Ålesund sjukehus.
- 2008: Nils-Ove Støbakk skal på søndagsfotball i Godøyhallen.

Femteplass!

2007-12-22T17:29:00.000+01:00

Då er Førjulsturneringa 2007 over. Og Couzins enda på ein finfin delt femteplass!

Fredag var vi faktisk det første laget i heile turneringa som var vidare til sluttspelet, etter to strake sigrar. Kay Amund kom sterkt tilbake etter Afrika-pause i 2006 og scora allereie i første minutt i den første kampen vår. Den tredje gruppekampen enda med tap, likevel vann vi pulje F og var klare for åttandedelsfinale.

Til den kampen henta vi inn ei forsterking på topp, sidan ingen stolte på at eg skulle klare å finne nettmaskane. Mitt kjære søskenbarn Silje gjorde sjølvsagt som ho brukar å gjere når ho får spele med oss gutane - putta 1-0 og sendte oss vidare til kvartfinalen! Etter heroisk innsats tapte vi 1-0 mot laget som til slutt vart nummer to. Dermed blir det jul i Støbakk-slekta også i år, og vi gler oss allereie til Førjulsturneringa 2008 i Godøyhallen! :)

GOD JUL!

2007-12-19T04:55:00.000+01:00

Jesus, du er verdens lys
og lyset det er sterkere enn mørket
Jesus, du er virkelig og sannheten er sterkere enn løgnen

Jesus det er bare du som redder
oss i fra fortvilelse og angst
Midt i motgang og i trengsel
Kommer du med liv
Kommer du med liv

Jesus, du er kjærlighet
og kjærligheten overvinner hatet
Jesus, du er verdens håp
og håpet, det er sterkere enn døden

(Tekst/melodi: Rudi Myntevik)

London, Marit&Irene og Rockeulven

2007-12-07T00:06:00.000+01:00

Sist helg var eg på fotballtur/guttetur til London saman med Stig-Johnny, Kay Amund og Daniel.

Gutta boys samla frå heile verda (Godøya, Oslo, Melbourne) for å sjå Tottenham-Birmingham (møkkadommer!), Lord of the Rings-musikal (vanvittig bra!) og handle skijakker.

Bilde frå turen ligg ute på Facebook:
- link for deg som har Facebook
- link for deg som ikkje har Facebook

Onsdag starta desembermøteaksjonen på Godøy bedehus med Marit og Irene. Eg har allereie fått spele piano saman med "M2M" to gongar, rett og slett stort! Møta har vore veldig bra på alle måtar, ta deg ein tur eller ti til bedehuset framover!

Elles skal eg til Åheim og Follestaddalen i helga. Og underteikna drikk meir julebrus enn vatn for tida - endeleg er det desember :D

Heilt til slutt: Kjære NRK. Kan eg snart få sjå "Rock'n Roll Wolf" på TV igjen snart? Legendarisk bra film...

Leir og fotball

2007-11-19T18:59:00.000+01:00

I helga var eg på leir på Orreneset. Slitsamt, men gøy. For fleire detaljar, sjå bloggen til Cecilie, som debuterte som profesjonell leirleiar!

Den komande helga skal eg både halde andakt og spele sjølv under KRIK Fotballcup i Ålesund. Kondisen er like elendig som alltid, heldigvis fekk eg opp sjølvtilliten med storspel på Orreneset i helga - og så har eg fleire folk på laget som kan springe for meg...

Uansett - fotball er gøy, og til minne om Trond Kirkvaag oppfordrar eg alle til å sjå ein av mange herlege KLM-sketsjar - "Fotball for mygglag":

Dansende papegøyer og talefeil

2007-11-12T01:26:00.000+01:00

Kom over ei dansande papegøye her ein dag. Sjå og nyt!

Helga mi endte opp med mykje fotball (fotball i hallen, Premier League på TV, cupfinale på TV), film på storskjerm både her og der (lenge leve Mannsverk-kinoen og Gjøen-kinoen!) og litt farsdagfeiring før det heile vart runda av med brettspel og bibelgruppe. Ei maskulin og variert helg med andre ord, slettes ikkje verst!

Og så har eg funne ut at eg har hatt ein talefeil heile livet - som ingen har sagt frå om før no...der alle andre godøyingar seier "va" og "vakje", seier eg "vå" og "våkje". Som i "det våkje min feil", "det vå et sjukt bra mål" osv. Og det er til og med folk som har lagt merke til det, men aldri sagt noko til meg - før eg vart konfrontert med det og begynte å spørre folk kva dei seier. Sånn er livet...men eg har i alle fall rett, alle andre har feil :P

Frihelg!

2007-11-09T20:17:00.000+01:00

For første gong på lenge har eg fri i helga. Ikkje jobb, ikkje ungdomskveld på Godøya, ingen møte å spele piano på. I utgangspunktet veldig bra - men kva gjer folk vanlegvis i helgane? Kva gjer folk på fredagar og laurdagar?

For min del starta helga med fotball på hallen. Dum som eg er. Utrent, med dårlegare kondis enn nokon gong, møtte eg opp på Godøy A-lag si første innetrening for vinteren. Starta som keeper, vart sliten allereie før eg hadde bevegd meg ein meter og vart etter kvart dum nok til å spele ute også. Scora heldigvis eit par mål i starten, etter kvart enda eg opp som stilleståande og ekstremt ineffektiv spiss. Til alle som var på lag med meg: Unnskyld!

I skrivande stund ser eg på Idol. Har ikkje sett ei einaste episode i haust, så veit fint lite. Seinare på kvelden vurderer eg å stikke på fredagstreff på bedehuset - om eg får tak i bil. Min Mitsubishi med sommardekk er neppe lurt i kveld, med kvite vegar og minus i lufta...

Men kva skal eg finne på laurdagskvelden? Eg er veldig open for gode forslag, ta gjerne kontakt om du veit om noko eg burde få med meg. Eller går det an å berre sløve? På ein laurdag? Det blir spennande å sjå kva som skjer :)

Oops...

2007-11-05T14:48:00.000+01:00

Eg skal ikkje nemne namn, men partneren min under Pro-turneringa på Godøy-bedehuset var ikkje heilt glad etter at vi tapte finalen 3-2 laurdag.

"Ørjan" lurte heile forsvaret til "vigringane", runda keeper og skulle berre rette seg opp før han plasserte ballen i mål. Plutseleg var ballen på tribunetaket og kampen var over...omtrent som med Pondus (klikk på bildet for større versjon).

Med andre ord vart det andreplass på oss i turneringa, men eg kan likevel seie at eg er best på Godøya i Pro Evolution Soccer 6. Så får vi heller ta vigringane neste gong.

Elles i helga har eg vore på fredagskafé på Ellingsøya, basar på Gamlem, ungdomskveld på Godøya og storsamling på Godøya. Full fart, mykje moro, mykje kjekke folk. No blir det litt rolegare den komande veka - til helga skal eg til og med ha fri! (Kva er det for noko???)

16.-18. november er det forresten Ten-Treff på Orreneset. For deg som går i 8.-10. klasse. Stikk innom Ung Misjon sine leir-sider for meir informasjon og meld deg gjerne på! :)

Sjuke japanarar...

2007-11-01T12:10:00.000+01:00

Eg har sagt det før, eg seier det igjen - heia Japan!

The Fast & the Flåklypa

2007-10-29T13:14:00.000+01:00

Coming soon - to a theatre near you!

Tøffare enn toget

2007-10-28T01:52:00.001+02:00

Er det ein fugl?

Er det ein fisk?

Er det ein hund som kavar omkring ute på vatnet?

Nei, det er SuperNils, ute på årets siste (?) svømmetur utandørs.

For kva gjer du som leiar på leir når du klarer å skyte fotballen på vatnet, og alternativa er å enten låse ut ein kano eller hoppe uti?

Sjølvsagt valde eg det siste alternativet, tøff som eg er! Sjølv om det eigentleg er forbudt å bade i Brusdalsvatnet.

Men eg bada ikkje, eg svømte...uansett, eg fekk henta ballen, kom meg tilbake igjen og overlevde. Og det var faktisk ikkje så kaldt som eg frykta, kanskje 8-9 grader eller noko slikt? Anbefalinga er i alle fall soleklar - hiv deg på sjøen! :)

Fotball og slikt

2007-10-27T01:00:00.000+02:00

Torsdag fann eg ut nok ein grunn til at eg aldri vart ein god fotballspelar. Eg gir nemleg blaffen i laget mitt, berre eg gjer det bra sjølv...

Eg var på Student-KRIK på Høgskulen i Ålesund for første gong - men definitivt ikkje siste. Og eg scora mål. Faktisk opptil fleire. I fotball. Og då fann eg faktisk ut at eg vart meir glad om laget mitt tapte 5-1 og eg scora eit perlemål (eventuelt flaksemål for nøytrale observatørar) enn om vi vann 3-0 og eg ikkje scora. Sjukt og egoistisk, men slik er eg altså. Fotball er gøy, spesielt når eg scorar mål!

Eg trur ikkje eg jubla like vilt som Pondus på bildet eg har lagt ut (klikk på bildet for større versjon), men det gjorde eg definitivt under Førjulsturneringa i fjor. Gutteklassa i turneringa er allereie full no, det tok berre litt over ei veke å få 32 påmeldte lag. Så gøy er det å spele innefotball! Og no er det under to månader til Førjulsturneringa! Eg gler meg :D

Denne helga er eg forresten leiar på Haustleir på Brusdalsheimen. 26 deltakarar og ni leiarar er samla for å kose oss, herje og høyre om Jesus. Herleg, eller kva? Helga starta bra for min del, med knusande siger i "pappkasseleiken". Autografskriving på ungdomskveld på Godøya neste laurdag...

Og sist helg var det Pit Stop, ja. 70 bilde frå den store helga ligg ute på ungmisjon.no, klikk deg vidare for lekre bilde av for eksempel lovsongsteamet frå Godøya.

Pianisten ser ganske merkeleg og ekstremt konsentrert ut på bildet til høgre, men rykta vil ha det til at også han hadde det kjekt.

Stressa?

2007-10-22T15:53:00.000+02:00

Dei fleste får stadig dårlegare og dårlegare tid. Talet på timar i døgnet minkar stadig vekk, fleire ting skal gjerast og vips - du er stressa. Welcome to Planet Earth 2007!

Er vi flinke nok til å klare å sette oss ned innimellom, tenkje gjennom saker og ting og prøve å sette oss inn i andre sin situasjon? Svaret blir altfor ofte nei, men kanskje kan vi alle bli flinkare? Og kanskje kan eg prøve å ikkje vere så sint på alle treige bilistar som forsinkar meg i trafikken når eg allereie er seint ute...

Ich bin ordförer!

2007-10-18T15:32:00.000+02:00

Eg fekk meg ei aldri så lita overrasking då eg las Sunnmørsposten onsdag. Dei fleste hadde nok rekna med at Knut Støbakk vart gjenvald som ordførar, men plutseleg var det Nils Støbakk som fekk makta i Giske kommune.

Dei einaste som heiter Nils Støbakk er meg og onkelen min, Nils Ottar Støbakk. Så nå får vi krangle om makta i kommuna, men sidan eg faktisk vart oppringd av Sunnmørsposten for eit halvt år sidan då dei skulle ha tak i ordføraren...så reknar eg nesten med at det er meg det er snakk om?

Elles er det i Langevåg det skjer denne veka. Pit Stop startar fredag klokka 20, men for min del har det vore Pit Stop-arbeid heile veka. Som både lovsangsleder, teknisk ansvarleg og pressekontakt er det nok å henge fingrane i, men det meste ser ut til å vere under kontroll no.

Har du andre planar for helga? Gløym det! Kom til Langevåg bedehus og bli med på solide møter, spennande undervisning, interessante verkstad/seminar og konsert med Rudi Myntevik. Vi snakkast! :)

Mr. Preacherman

2007-10-10T23:53:00.000+02:00

Denne veka skal eg debutere som talar. Skikkeleg talar, altså - med fleire møte på rad og greier. Det er nemleg ungdomsveke på Valderøya, og utruleg nok så lurte dei på om eg ville ta meg ein tur. Noko eg tydelegvis sa ja til.

Torsdag og søndag klokka 20, fredag og laurdag klokka 21, det er dei magiske tidspunkta. Ta deg gjerne ein tur og kom med konstruktiv kritikk i etterkant. Og/eller ver med og be for meg, trur eg treng ganske mykje støtte frå "heimefronten" og han der oppe for å kome meg heilskinna gjennom dette her...

Neste veke er det også full fart. Då er det Pit Stop i Langevågen. Eg er både lovsongsleiar og har ansvaret for storskjermstyring/filming, så det er meir enn nok å halde styr på. Men det skal bli kjekt. Meld deg på og kom! Eller eventuelt berre kom, dette blir garantert ei helg som ingen bør gå glipp av!

Det blir med andre ord meir enn nok å henge fingrane i framover. Heldigvis har eg tatt det ganske med ro sidan Orrenesleikane, så forhåpentlegvis skal alt gå etter planen. Eller betre - som det ofte blir når du er på lag med den sterkaste :)

Orrenesleikane 2007

2007-10-02T16:41:00.000+02:00

28.-30. september var eg leirsjef på Orrenesleikane 2007 på Orreneset. 29 gutar og 27 jenter frå 10-12 år var samla for å ha det gøy og konkurrere i pilkast, bogeskyting, kubbekast, bryting og terrengløp. I tillegg var det fotballturnering og kanostafett.

Veret var strålande, med blå himmel og bortimot vindstille heile helga. Einaste gongen det kom litt vind, var då vi heiste flagget - men det passa berre utruleg bra!

Takk til alle som var med, vi hadde ei flott helg saman. Takk til leiarar, deltakarar, dei på kjøkkenet, Åsmund (bildet) som tok alle dei flotta bilda frå leiren, talar Ingrid som kom køyrande heilt frå Hordaland - og ikkje minst takk til Jesus. Når vi er på lag med han, då er vi på lag med den aller sterkaste!

Neste leir for denne aldersgruppa er haustleiren på Brusdalsheimen i oktober. Så er det Winter Games på Orreneset i februar. Vi snakkast, folkens! :)

Bilda frå leiren finn du her

Jingle Boys

2007-09-27T00:44:00.000+02:00

Onsdag fekk eg besøk av Sven Harald og Ruben i radiostudioet til Radio Sentrum. Eg måtte ha litt hjelp til å lese inn nokre reklamejinglar til Pit Stop, som skal vere i Langevåg 19.-21. oktober.

Gutta boys var småskeptiske til å høyre si eiga stemme på radio først, men etter kvart tok det av. Veldig. Og korleis vart resultatet? Kanskje ikkje ekstremt seriøst og alvorleg, men vi hadde det i alle fall sjukt gøy. Du kan høyre sjølv!

- Pit Stop 1: Tostemt plystring og koseprat

- Pit Stop 2: Rudi Myntevik vs Ruben Austnes

- Pit Stop 3: Vaksenversjonen med Marit og Irene i bakgrunnen

Den Himmelske Mann

2007-09-26T01:20:00.000+02:00

Tysdag var eg på møte i Pinsekirka Filadelfia i Ålesund, der det var stappfull sal og meir til. Folk sat på golvet i midtgangen og til og med ute i gangen var det smekkfullt!

På møtet, som var i regi av Asialink, var mellom anna Evie og Pelle Karlsson, to av dei mest populære kristne artistane her i landet på 70- og 80-talet. Og så Broder Yun, då. Eller "Den Himmelske Mann", som han vert kalla - sidan han har klart å kome seg unna dei kinesiske myndigheitene gong på gong. Yun er ein særdeles engasjert og modig mann frå Kina, som har både blitt fengsla og torturert fleire gonger på grunn av trua si. Men han har blitt helbreda. Og er frimodig som aldri før.

No bur Broder Yun i Tyskland, men reiser omkring i Europa og fortel om korleis dei kristne forsamlingane berre veks og veks i Kina. Og kinesarane har ikkje berre som mål å frelse sitt eige folk - dei har store visjonar om å sende misjonærar vestover, til alle dei unådde folkeslaga i Asia. Eller "tilbake til Jerusalem", som dei seier.

Eg skal ikkje skryte på meg at eg les så veldig mange bøker for tida, men for nokre år sidan las eg "Den Himmelske Mann", som er noko av det sterkaste eg har vore borti. Stikk innom Prokla Media eller ein bokhandel i dag og bestill deg eit eksemplar!

Christoffer såg også ut til å storkose seg på Fila, han skal få låne mi bok :)

Dagens bønneemne: Tenk om vi hadde klart å vere like brennande som dei kristne i Kina! Dei risikerer livet for å vitne om Jesus, kva har vi å tape?

God helg!

2007-09-21T15:12:00.000+02:00

Har du planer for helga? Her er i alle fall kva eg har tenkt å gjere 21.-23. september 2007:

- andakt og Playstation på ungdomskveld i Søvika fredag klokka 20 og utover
- spele piano på jubileumsmøte for Finnmarksforeninga på godøya laurdag klokka 17
- piano, synth og bordtennis på ungdomskveld på Godøya laurdag klokka 21 og så roe ned med Svisj-UNO utover natta
- øvingsdag til Pit Stop i Langevågen med lovsongsteamet søndag ettermiddag

Og så blir det vel litt anna også, tenkjer eg. God helg, bruk tida godt og kos deg! Som ein fin start på helga kan vi alle nyte denne herlege scena frå Tottenham sin siste UEFA-cupkamp. Ein ung ballgutt som kanskje ikkje heilt klarer å halde seg nøytral...

Tør vi å stole på Gud?

2007-09-18T01:35:00.001+02:00

"Men Anden openberrar gåvene sine hjå kvar og ein til det som er gagnleg. For éin får visdoms tale ved Anden, ein annan kunnskaps tale ved den same Ande, ein annan får tru ved den same Ande, ein annan nådegåver til å lækja ved den same Ande."
(1. Korinterbrev 12:7-9)

Gud har gitt oss menneske forskjellige gåver. Dessverre er dei aller fleste av oss ikkje klar over kva han vil med liva våre og/eller vi er for redde til å prøve oss fram og sjå kva gåver han har gitt oss. Onsdag til søndag var det møteveke på Alnes, med ein talar som har fått ei konkret gåve til å be for folk som har ein fot som er lenger enn den andre. Han legg hendene på foten det gjeld, ber i Jesus namn og så vert føtene like lange. Kvar gong!

På kveldsmøta onsdag, torsdag og søndag var det fleire som fekk strekt ut ein fot. Nokre hadde vore plaga med ryggsmerte på grunn av skeivheita, andre igjen hadde ingen problem - men ville berre undersøke likevel. Dette fekk vi spesielt demonstrert på ungdomskvelden laurdag, der ungdommar i hopetal kom fram for å bli bedd for - og gong på gong fekk vi sjå ein fot vekse. Alt frå nokre få millimeter til 2-3 cm. Og føtene kom ut - i Jesu namn.

Ifølgje denne undersøkjinga så har faktisk dei aller fleste menneske ulik lengd på føtene. Ikkje alle blir plaga av det, men det har vist seg at mange nakke- og ryggsmerter forsvinn når ein får "jamna ut" lengda på føtene. Skeivheiter i føtene forplantar seg ofte oppover når du står/går skeivt dag etter dag, år etter år. Det høyrast vanvittig ut, det ser heilt sjukt - men det skjer. Og det er ikkje noko ein mann presterer i seg sjølv, han lar seg bruke av Jesus og bruker gåva si til å hjelpe andre.

Det er garantert fleire som har gåver til å lækje (helbrede) enn vi er klar over. Men korleis kan vi finne ut? Jo, vi kan prøve. Vi kan be. Til Jesus. Vi er ikkje garantert noko svar, det er umuleg å forstå kvifor Gud gjer det eine og ikkje det andre - men kva anna kan vi gjere?

Skeptisk? Denne videoen blei filma i sommar, der mannen som var på Alnes ba for ein gut som hadde veldig ulik lengd på føtene og var plaga på grunn av det. Det er ikkje skummelt, det er ikkje farleg. Det er berre eit Guds under som vi kan glede oss over. Tør du stole på Gud?

Trommeflytting 2007

2007-09-15T18:59:00.000+02:00

Ei aldri så lita bildeforteljing til alle dei som måtte tru at det ikkje går an å ha det gøy mens du flyttar trommer. I dette tilfellet frå Godøy bedehus til Alnes bedehus, med ein ung mann ved namn Ruben Austnes i hovudrolla.

For deg som ikkje har Facebook: klikk her.
For deg som har Facebook: klikk her.

Herleg musikkvideo

2007-09-13T10:06:00.000+02:00

Sitat min gode venn Christian Bjørke i Vårt Land: "Denne videoen fra ungdomsgruppa i United Pentacostal Church på Grefsen i Oslo er nå sett over en halv million ganger."

Sett deg godt tilbake, skru opp lyden på pcen og nyt! Gud er god! :)