23 desember 2006

JAAAAAAAAAAAAAAA!!!

Etter X år med måltørke, kom endeleg namnet mitt med på scoringslista til Førjulsturneringa. Eit hardt skudd frå skrå vinkel gjekk høgt opp i næraste hjørnet og så hugsar eg ingenting av det som skjedde etterpå...fantastisk deilig, endeleg fekk eg utteljing for mange knallharde år med aktiv restitusjonstrening :D

I fjor scora Couzins null mål på tre kampar - hittil i år har vi to mål. Og laurdag blir det i alle fall to kampar til. Først showkamp mot Kuziner (jentelaget til Støbakk-slekta), så åttendedelsfinale mot Donkey Punch. Kva som skjer der er ikkje så veldig farlig, vi er vidare til sluttspelet for første gong på fleire år og eg - EG - scora mål!

Tenk at noko så banalt og enkelt som fotball kan vere så vanvittig gøy... :)

20 desember 2006

Dett var dett

Då er arbeidarmøtet 2006 ferdig. Eg er enno ikkje i superform, men fekk i alle fall med meg litt. Bibeltimane på føremiddagane var veldig bra, seminara på dagtid veit eg dessverre veldig lite om, men kveldsmøta var også fine. Og arbeidarfesten i bibelskulehallen var ein fin måte å runde det heile av på, med god julemiddag og mykje bra som vart presentert på scena.

Eg hjalp til med litt datanørding her og der. Styrte songane på nokre av møta og hadde det tekniske ansvaret for "Deal eller no deal" på arbeidarfesten. Blei kanskje litt for mange timar med PC og Powerpoint, men augene er ikkje heilt firkanta enno - så då reknar eg med at eg ikkje har tatt skade av det. Litt engasjement skadar aldri :)

Kombinasjonen bibeltimar og Nissen er forresten veldig bra. Ikkje julenissen, men Hans Erik Nissen. Herleg forkynnar (tidlegare prest) frå Danmark, som underviste med eit enormt engasjement og godt humør. Ikkje alltid like lett å forstå alt vår danske venn sa, men det aller meste gjekk inn - og forsvinn forhåpentlegvis ikkje ut igjen av knollen med det aller første. Evig optimist som alltid, typisk meg å gløyme alt innan ein dag eller to...

Og så det beste til slutt: Nattverdsmøtet søndag kveld var heilt konge. Å få dele nattverd og minne kvarandre om kva Jesus har ofra for oss er stort. Etter kvart vart ordet fritt, og kvelden vart berre betre og betre.

Spesielt tankevekkjande var han som fortalde om den muslimske asylsøkjaren som har vorte kristen i løpet av tida i Norge - og som no kanskje blir sendt tilbake til heimlandet sitt. Der han risikerer å bli dømt til døden for å ha konvertert frå islam. Noko norske myndigheiter tydelegvis ikkje bryr seg så mykje om...

Når det nærmar seg jul og vi kan kose oss heime saman med dei vi er glade i, er det viktig å hugse på at ikkje alle har det like godt som oss. Over heile verda er det folk som svelt i jula, det er folk som blir forfølgde og fengsla og til og med risikerer å bli drept - kvar einaste dag. Forhåpentlegvis klarer vi å hugse på alle desse innimellom all luksus, all fantastisk god julemat og alle gåvene. Vi skal få nyte jula, kose oss saman og feire at Gud sende Son sin til jorda for å frelse alle menneskje. Men samtidig må vi prøve å verte flenkare til å dele av all vår overflod og ikkje tenkje berre på oss sjølv. Sjølv om det er vanskeleg, kor mykje lettare er ikkje det å kjøpe ein burgermeny for hundre kroner enn å putte ein hundrings i ei innsamlingsbøsse?

Dette innlegget blei altfor langt, truleg er det ingen som gidd å lese heile. Men eg fekk i alle fall lufta litt tankar og oppsummert litt...amen! :)

18 desember 2006

Kva skjer?

Eg ser på klokka..snart midnatt. SNART MIDNATT? Er ikkje ho meir? Men.. Men.. I alle dagar - kvifor skal eg til å leggje meg då?

Det er ei forunderlig verd vi lever i. Snart står ikkje juletreet til påske. Og eg tar kvelden før natta har begynt.

Rart..

16 desember 2006

Woooooo, I'm flying to Ibiza!

...eller i alle fall Bergen lufthavn Flesland. Å vere sjuk er ikkje gøy, så no gidd eg ikkje vere sjuk lenger. Lenge leve SAS Braathens i alle fall til Bergen, at dei ikkje har ledige returbillettar under ein million får vi ta til etterretning.

Kort oppsummert: Eg reiser til Bergen. I dag. Utan å ete rullekebab i Førde på vegen. Eg har ikkje returbillett. Vurderer kanskje å ta buss opp igjen. Eller haike. Eller stele ein bil.

Uansett - i kveld skal eg til Bildøy og herje vilt. Eller ta det med ro. Eg skal i alle fall til Bildøy, så får vi sjå kva som skjer. Er ikkje heilt frisk, men det har eg aldri vore.

GOD HELG! :)

15 desember 2006

Skuffande av "gutta"

Eg er visst sjuk i dag, også. Dermed altfor mange timar framføre den firkanta boksa vi visstnok kallar TV.

I dag oppdaga eg at "Helene og gutta" har starta opp igjen på TV2 Zebra. Du veit, den halvdårlege franske nittitalsserien som alle såg då eg var ung og nesten sprek. Kan godt hende det har gått på Zebra lenge, men eg har i alle fall ikkje sett serien på aldri så mange år. Fekk med meg 15 minutt no og blei ganske forskrekka.

Tidlegare irriterte eg meg over at vi berre fekk høre dei siste fem-seks sekunda når "gutta", altså guttevennane til Helene, spelte med bandet sitt. I dag fekk vi 30 sekund med samanhengande speling og eg skulle nesten ønskje at eg aldri hadde sett det eg såg. Greitt nok at dei mimar når dei "spelar", men så fullstendig ute av takt og tydelegvis utan snøring på korleis en trykkjer på tangentane på eit piano? Og kva med å halde gitaren skikkeleg, Jose?

Nei, skuffande greier...neste gong håper eg at det blir maks fem-seks sekund igjen. Oi, no er det "Spin City" på TVNorge! For eit liv...

Superdraktene

Om ei veke brakar det laust i Godøyhallen, endeleg er det tid for Førjulsturneringa 2006!

Couzins er sjølvsagt med for ørtande år på rad, i år med nye drakter igjen. Dei tre siste åra har vi spelt i svarte drakter med grøne shortsar, men i fjor var det tydeleg at draktene har gått ut på dato. Tre kampar enda med null mål i rett ende, noko måtte gjerast...

Etter lange og intense forhandlingar enda vi opp med å kjøpe nye drakter - i år er det lyseblå frå topp til tå som er tingen. Og i år skal vi score minst eitt mål!

(Shortsane vi fekk var for korte, nye skal vere på veg i posten. Strømpene gidd eg ikkje å ta bilde av, Kay, dei er lyseblå dei også)

14 desember 2006

Fever in the morning..

...fever all through the night!

Torsdag ettermiddag skulle eg eigentleg kose meg med ein rullekebab i Førde. Men er eg der? Neida, Nils-Ove er heime på Godøya med feber og ganske elendig form generelt, han. Hurra!

I dag blir det sløving og mykje TV-sjåing, skal i alle fall bli frisk nok til å reise til Bildøy i morgon. SKAL ha rullekebab i Førde...

PS! Gratulerer til alle frå Alnes med ny tunnel. Forhåpentlegvis forsvinn ikkje alt drikkevatnet på Godøya no som vi har eit digert hol tvers gjennom fjellet vårt :)

13 desember 2006

Fantastisk bra...

Onsdag 13. desember. Forma er ikkje heilt i tusen, kan eg rett og slett vere litt småsjuk? Hovudet er tungt som ein kampestein, resten av kroppen vil knapt nok gjere som han får beskjed om...

Kva kan eg gjere for å bli betre? Kva skal til for å bli i alle fall litt friskare, så køyreturen til Bergen torsdag ikkje blir fullstendig utmattande? Eg tenkjer meg om, slappar godt av i godstolen på stua og plutseleg kjem eg på kva som kanskje kan gjere susen:

Boblebadet! Eg har jo boblebad, som eg nesten aldri kjem på å bruke. Kanskje skal eg tappe i og ta meg eit godt og varmt bad?

Ein halvtime seinare: Bobla verkeleg luftboblene like høgt sist gong? Var massasjestrålane i ryggen like knallharde? Blei det like mykje vatn utover badegolvet mitt? Har eg blitt i betre form, eller er eg endå sløvare etter å ha blitt kokt i det glovarme vatnet?

Eg er ikkje sikker, men det var i alle fall fantastisk bra...

:D

Juleavslutning

Tysdag hadde Sunnmøre Indremisjon juleavslutning på Brusdalsheimen.

Det blei ein fin kveld med nydeleg pynta bord, mykje god mat og drikke (årets første julemiddag for min del, no gler eg meg vanvittig til 24. desember!) og endå meir moro.

For å hjelpe til med forbrenninga, tok vi med EyeToy, slik at folk fekk trimma litt. Som alltid vart dette ein suksess, sjølv om nokre av deltakarane klaga på at det var i overkant slitsomt. Erik Furnes og Victor Haram, som var dei to første i aksjon, ga i alle fall alt sjølv om dei hardnakka nekta for at dei blei sveitte...

Også veteranane - her representerte ved Kjell Furnes og Gunnar Kjøde - fekk prøve seg og imponerte stort framføre kameraet. Alder er så absolutt inga hindring for å ha det gøy og søse med TV-spel!

Etter kvart kom eg på å filme litt, her har du den første filmsnutten som er klar for det offentlege søkjelyset. Marit Vingen og Oddveig Molnes har tydelegvis trimma seg gjennom ei hinderløype eller to tidlegare:



Fleire filmsnuttar kjem forhåpentlegvis etter kvart :)

12 desember 2006

Dataparty og slikt

Måndag var eg på dataparty på Alnes attmed ingen ringare enn Marit og Irene!

Marit trengde litt lydteknisk Powerpoint-hjelp, dermed køyrde eg den livsfarlege vegen ut til Alnes for å sjå kva eg kunne gjere. Alt gjekk bra til slutt og eg fekk ein gong for alle bevist at dei to syngjedamene er litt av nokre datanørdar :)

Visste du forresten at Irene les Se og Hør? Ho prøvde desperat å forklare seg med at "eg kjøpte bladet for å lese om Ørjan (Idol-Ørjan) fordi eg kjenner foreldra hans..."

Men nok sladder om M2M, eg reknar sjølvsagt med at alle som kjem innom denne bloggen er mest interesserte i å vite kva eg har gjort i det siste!

  • I Austefjorden spelte eg kurong og imponerte stort. Det vil seie, imponerte i alle fall meg sjølv...

  • Dagen etter (fredag 1. desember) var eg i Ørsta, der eg fekk lasagne og snopa for harde livet i kiosken på bedehuset.

  • Sist fredag var eg på ungdomskveld på Emblem. Der likar dei å blende talaren med ekstremt kraftige lyskastarar, noko som egentleg er greitt, sidan eg aldri veit kor eg skal sjå når eg held andakt.

  • Endeleg er eg ferdig med Bildøykalenderen 2007. Eg kjem alltid for seint i gong, men i år kjem kalenderen forhåpentlegvis ut i tusenvis av postkasser før jul.

    Torsdag reiser eg til Bergen for å ete kebab, henge på Esso Loddefjord og prate med beibs i Betlehem. Skal på arbeidarmøte på Bildøy på dagtid, noko som betyr at eg har heile kveldane og nettene på å råne i bysentrum. Og på ettemiddagstid kan eg spele fotball og kome i storform til Couzins skal vinne Førjulsturneringa 2007!

  • 01 desember 2006

    God helg!

    Endeleg!

    Eitt minutt over midnatt, 1. desember 2006: Endeleg kan Nils-Ove stappe i seg si første marsipanpølse på år og dag! Eller i alle fall ganske så mange dagar!

    Eg har veldig få prinsipp her i livet. Men dei siste åra har eg stadig meir irritert på alle som skal framskunde jula meir og meir for kvart år. Bensinstasjonar, kioskar og butikkar set fram julesnopet allereie tidleg i oktober. Julebrusa kjem i hyllene midt i november. Julepynten skal bortimot hengje oppe heile året...

    Ikkje det at eg har noko imot jula, snarare tvert imot. Men advent startar ikkje før 1. desember, og julaftan er faktisk ikkje før 24. desember. Det må vel då vere mykje koselegare å ha ei relativ kort og intens julefeiring, i staden for å mase om jul så lenge at folk omtrent er ferdige med julemiddagen og pakkane før adventskalendarane er halvopna?

    Uansett, i år har eg konsekvent takka nei til alle julerelaterte matvarer og liknande før 1. desember. Ikkje julebrød, ikkje pepparkaker, ikkje julebrus - og i alle fall ikkje julemarsipan. Eg kjøper marsipanpølser stort sett heile året og nyt det stort, men med ein gong julemerket kom på pakkane så starta eg mi eiga lille fasteperiode. Men no er endeleg tida moden for å starte inntaket av julesnacks. Mine to første marsipanpølser smakte fantastisk godt, om ikkje lenge skal eg helle nedpå sesongens første julebrus også. Mmm, jul er godt...i desember, vel å merke!

    Utanom å irritere meg over førjulsmaset, kan eg vel kanskje opplyse om at det er i indre strok det skjer for tida. Torsdag var eg først på YA i Austefjorden, før eg stakk innom lærarstudent Simon Gjøen (bildet) i ein ekte lærarstudenthybel i Volda. Vi spelte lærarstudentsjakk og prata litt lærarstudentprat ilag før eg køyrde heim igjen for å ete førstedesembermarsipanpølsene mine.

    Fredag kveld skal eg nesten like langt, då er det ungdomsklubben Pit-Stop i Ørsta som er så heldige å å sjølvaste Godøynissen/Julenilsen på besøk. Og i bilen skal eg ete så mykje julemarsipan og drikke så mykje julebrus at eg hyperventilerer av sukkersjokk!

    30 november 2006

    Ungdommen imponerar stadig

    Det var ein gong to damer som reiste land og strand med kvar sin gitar. Fjonge på håret og med over- og understemme song dei seg inn i hjarta til både den eine og den andre.

    Før i tida kunne folk berre følgje med på kva dei gjorde gjennom å lese halvårlege reportasjar i misjonsblad og andre tabloidmediar. Skulle du vere sikker på å treffe på dei, måtte du ta den lange turen til Alnes fyr eller ein konsert med Godøy barnekor.

    No, derimot, er alt så mykje enklare. Marit og Irene har hatt heimeside ei god stund allereie, no har dei også fått seg blogg!

    Tida og metodane endrar seg stadig, men evangeliet er heldigvis det same frå dag til dag. Og kanskje får vi snart sjå Marit og Irene med elgitar og direkteoverførte møte på nettet?

    28 november 2006

    Brudern og Borat

    Søndag var det stor ståhei og hæla i taket i Støbakk-familien. Då kom nemleg lillebror Stig-Johnny igjen frå eksil i Australia, der han har vore sidan slutten av februar. No er han ferdig med det første av tre datanørdår ved Deakin University, ein ganske liten skule med berre 32.000 studentar.

    Dei siste dagane har i stor grad vore prega av sosialisering med "brudern", no har eg endeleg fått ein sparringpartner i Pro Evolution Soccer 5 igjen.

    I tillegg til kaker i hopetal og mykje god mat elles, har vi også fått tid til å sjå Hoodwinked på TV og Borat's Cultural Learnings Of America For Make Benefit Glorious Nation Of Kazakhstan på kino.

    To herlige filmar som absolutt kan anbefalast på det varmaste! Spesialt Borat er noko av det sjukaste eg har sett, har aldri før opplevd å storflire 90 prosent av tida i ein kinosal.

    Elles var eg på Åheim fredag og hadde det heilt konge saman med ungdommane der (lærte dei å spele Svisj-Uno), før helga blei komplett med ein sjefsungdomskveld på Godøya laurdagskvelden.

    Livet er herlig! :)

    Hersens spam

    PRESSEMELDING:


    Frå i dag, tysdag 28. november 2006, er det litt vanskelegare å kommentere på supernils.blogspot.com. På grunn av ein lang, uønska og irriterande kommentar med mykje reklame og slikt, har vi no skrudd på "Word verification". Det vil seie at alle som vil kommentere eit innlegg må taste inn eit vanskeleg ord som står på skjermen.


    Redaksjonen i supernils.blogspot.com uttaler i ein kommentar at "spam er eit utyske som vi godt kunne klart oss utan. Men forhåpentlegvis skal vi klare å unngå slike lumske reklameåtak i framtida".

    22 november 2006

    Mobil schmobil

    Måtte berre sjekke at det faktisk gjekk an å sende e-post frå mobilen.. Og det går faktisk!

    Tøft! Faktisk :)

    Voldsomme greier

    Skal sei…no går det visst an å oppdatere bloggen gjennom å sende e-post og greier. Det vil seie at eg ikkje treng å logge inn for å skrive noko lurt, men berre sende ein e-post enten frå datamaskina mi eller mobiltelefonen! Den teknologien, den teknologien…

    Det går visst ikkje an å sende bilde via e-post, men eg skal vel overleve likevel. Uansett greitt å vite at dersom eg skulle kjede meg skikkeleg i tunnelkø ein dag, kan eg fyre av gårde ei sint melding eller to. Konge! :D

    21 november 2006

    Kor, korps og kval

    *kremt*

    *finne fram den djupe fortellarstemma*

    "Dette er hva som har hendt siden siste episode av Livet med Nils-Ove. Han har fortsatt en katt ved navn Olga, har fortsatt ikke dame og har så vidt begynt å jogge. Resten skal han få fortelle selv..."

    Wehey! I'm back from the lost world of non-blogging. Har berre hatt så voldsomt mykje å gjere at eg knapt nok har hatt tid til å puste. Men OK, nok om det.

    Først var eg på besøk med Dakruko, Dalsfjorden Kristelege Ungdomskor. Det blei ein kjempeartig fredagskveld der eg fekk høyre god song og vere med på mange kjekke leikar. Å reise til Dalsfjorden og håpe på å lære frå seg noko der er heilt umuleg, spesielt dirigent Runhild kan absolutt alt som er verdt å kunne. Men no har eg i alle fall lært mykje nytt som eg forhåpentlegvis kan klare å hugse til seinare...

    Så har eg vore på barneveke i Langevågen. Heile seks kor var innom i løpet av dei fire dagane eg og AG var der. Fredag kom Godøy barnekor på besøk, søndag fekk eg møte igjen ein del av dei nye vennane mine frå Lepsøya/Løfsøya. Veldig kjekt, sjølv om eg eigentleg har funne ut at å forkynne til ungar ikkje heilt er min ting. Men greitt å ha prøvd litt forskjellig, i alle fall :)

    Innimellom alt anna har eg jobba ein del for Sunnmørsposten i det siste. Laurdag hadde eg ein langdag der eg var innom julemesse, høgtlesing på biblioteket, korpscup og eit handikapjulebord.

    Og så må vi for all ikkje gløyme kvalen, som i løpet av helga stranda på Godøya og ganske snart blei ein publikumsattraksjon.

    No er det forresten berre litt over ein månad til Førjulsturneringa i Godøyhallen!

    09 november 2006

    Løfsøykjæringa

    Då eg var liten, fekk vi beskjed om at vi ikkje måtte gå ned til løa nedom huset vårt. Der budde nemlig "Løfsøykjæringa", som kunne kome og ta oss...

    Historia har sitt opphav i ei gammal tante som for mange, mange år sidan kledde seg ut og skremde far min og ein kamerat då dei gjekk ned i løa. Og etter det har generasjon på generasjon i Støbakk-slekta frykta denne skumle dama frå Løfsøya - eller Lepsøya, om du vil.

    Tysdag var eg på Løfsøya for første gong i mitt liv. Der møtte eg heldigvis berre blide og kjekke folk, spesielt Sølvi og Anbjørg - dei to kjekke damene som har ansvaret for både barneforeininga og dei to tysdagsklubbane på Løfsøya. Eg fekk vere saman med alle tre gruppene, som har kvar sine tidspunkt på tysdagar. Først dei minste, så dei frå 5. til 7. klasse før ungdomsskuleelevane tok over.

    Full fart, mykje moro og ein ferjetur med litt vel store bølgjer for min del. Men eg overlevde både ferja og Løfsøya - og kan ein gong for alle konstatere at "kjæringane" på Løfsøya ikkje er skumle i det heile tatt! :)


    Eg hadde som vanleg med meg Eye-Toy...


    ...som også den tyske presten på øya fekk prøve...


    ...men på Løfsøya har dei forstått det - kurong er tingen! :D

    27 oktober 2006

    Hockeypulver...

    Hockeypulver er tingen, folkens! I tilfelle nokon skulle lure...tidenes beste snop, smakar fantastisk enten du får det i nasen eller munnen. Prøv ei halv boks i slengen, noko du seint kjem til å gløyme :)

    Ei god stund sidan sist oppdatering her no. Siste veka har besøkt barnekor og Yngres på Vigra, vore på Kjellartreff på Giske og minileir på Orreneset. Tysdag klipte eg meg og vart invitert på middagsbesøk til sjefen og familien. Onsdag hadde eg besøk av alle tre besteforeldra mine og enda opp med meir mat etterpå enn før dei kom. Og komande helg skal eg på haustleir på Brusdalsheimen.

    Mykje å gjere, mykje moro, livet er bra og mat er kjekt å ha! Følg med for meir sladder om ikkje altfor lenge, nyt desse "ristebilda" frå Giske enn så lenge:

    17 oktober 2006

    Min supermoderne pappa

    12. oktober 2006 blei min far, Oddbjørn Støbakk, 56 år. Og fekk i gåve det han ønskte seg mest av alt - ein MP3-spelar med radio!

    Og det verste av alt - pappa klarer til og med å bruke MP3-spelaren. Og snart klarer han forhåpentlegvis å laste ned talar og møteopptak frå nettet også. Stolt av deg, Obben :)

    Eldretreff rocks!

    Sist torsdag var eg på eldretreff i Brattvågen saman med AG og Kjetil. AG heldt andakt med tittelen "Hva fyller du hjertet ditt med?", Kjetil viste ein infofilm om Ung Misjon og hadde ein quiz.

    Og eg? Eg storkoste meg saman med dei lokale beibsa, berre sjå bildet!


    Gudrun og Kjetil kosar seg med kaffi og kaker.


    AG i aksjon. Sjå, ho står still!


    Dokka Lotta er mest populær av Ung Misjon-arbeidarane.


    Sjefen er like fotogen som alltid...

    09 oktober 2006

    Siste kveld med gutta

    Nei, ikkje for meg, men for Kay Amund og Per Oddvin - som tysdag reiser til Uganda i eit halvt år...

    Søndag kveld var det bibelgruppe i "fiskarheimen" til Trond-Vegard. Etter kvart blei vi ti karar som prata om det meste, bladde litt i Bibelen og runda av med forbønn for kvarandre.

    Vanlegvis er vi tre-fire-fem på bibelgruppe, men med Hald-gutta, sjøfolk og Oslo-studentar på ferie blei vi ein god gjeng - og fekk ein herleg kveld med god stemning, dårleg humor og oppbyggjande Jesus-prat.

    Måndag fekk eg vere med på Kay Amund sin aller siste Grandiosa før han reiser til Afrika. Eit stort øyeblikk, eg hadde aldri klart meg utan Stabburet sin nynorske nasjonalrett så lenge...

    God tur, gutar! Lenge leve blogging, reknar med flittig oppdatering frå Kampala :)

    07 oktober 2006

    Kano og slikt

    Livet på leir er fantastisk!

    Laurdag var vi på kanotur, spelte fotball, åt graut, koste oss stort og slutta av dagen med ei herleg bønnevandring.

    Og det beste av alt - Kjetil har ikkje fått oppdatert bloggen sin i helga og er misunneleg fordi eg kjem på nett med den fantastiske mobiltelefonen min! hehe ;)

    Søndag skal vi reise heim, men oppturen kan forhåpentlegvis fortsette med Godset-AaFK på TV2 og bibelgruppe/søsekveld med Trond Vegard utover natta...

    Vegar (øverst), Bjørn Erik og Elling ser også ut til å nyte livet. Lenge leve Orreneset!


    Kult!

    Kult - med GPRS på mobilen og internett på datamaskina uansett kor eg skulle befinne meg i verda.

    Kult - med Netcom sitt tilbud på datatilkobling.

    Kult - med Elling sine pilotbrille.

    Kult - med leir på Orreneset.

    Kult - å blogge frå Orreneset.

    :D

    06 oktober 2006

    Luftgevær!

    Torsdag besøkte eg ungdomsklubben på Follestaddal bedehus i Ørsta. Ein fin gjeng med mange aktivitetar: data, pilkast, bordtennis, biljard, godteri-bingo, kurong (verdas beste spel!) og - ikkje minst - luftgeværskyting!

    I eit langt og polstra rom er det laga til skytebane. Eit fantastisk påfunn som alle bedehus i heile verda bør herme etter! Sjølv om eg aldri har vore god å skyte (nest dårlegst av 50 mann i troppa då eg var i militæret), koste eg meg stort og klarte heile 27 poeng på fem skot.

    Snart to månader i jobben no, det blir berre betre og betre. Luftgeværskyting i arbeidstida...fantastisk! Forhåpentlegvis blir det artig også på Tentreff på Orreneset i helga :)

    04 oktober 2006

    Pus is no more

    Då er det gjort. "Silkesvarten", den 16 år gamle katten til foreldra mine, er død. Han unngjekk råkøyrande bilar i alle år, men ikkje eingong Pus klarte å unngå å bli sjuk. Så til slutt måtte vi berre overlate han til dyrlegen...

    Rart at det går an å bli så glad i eit dyr. Eit dyr som plutseleg ein dag berre dukka opp utanfor huset vårt ein sommardag i 1991. Som søstra mi trilla i dokkevogna si då ho var mindre og som kom og møtte meg på veg heim frå skulen i alle år. Verdas snillaste og mest kosete katt - sjølv om han ser litt småsleip ut på det eine bildet eg tok for ei veke sidan.

    No er Pus borte. Kanskje får eg sjå han igjen ein vakker dag, kanskje ikkje. Akkurat det er det litt delte meiningar om. Men det vil i alle fall ikkje kome nokon svart katt hoppande oppover trappa neste gong eg skal besøke foreldra mine.

    På ein slik dag er det viktig å glede seg over dei små tinga her i livet. Som at Sturla har fått seg dame, at Christopher har lært Margrethe å pusse tennene og at både Godøy og Tottenham vann i helga. Og at eg skal på leir på Orreneset i helga.

    Men Pus er ikkje der når eg kjem heim på søndag...